അസിന് ചില സിനിമകളില് അഭിനയിക്കാത്തതിന് കാരണം വെളിപ്പെടുത്തി തമിഴ് സിനിമാ രംഗത്തെ മാധ്യമപ്രവര്ത്തകന് ചെയ്യാറു ബാലു
ഗജിനി എന്ന തമിഴ് ചിത്രത്തിലെ കല്പന എന്ന ഒറ്റക്കഥാപാത്രത്തിലൂടെ ദക്ഷിണേന്ത്യയുടെ മുഴുവന് ഹൃദയം കവര്ന്ന നടിയാണ് അസിന്. എന്നാല് 2016ല് വിവാഹം നടന്നതിന് പിന്നാലെ അഭിനയത്തോട് വിട പറയുകയായിരുന്നു. കഴിഞ്ഞ കുറേ വര്ഷങ്ങളായി സോഷ്യല് മീഡിയയില് തന്റെ ഫോട്ടോ പോലും പങ്കുവെക്കാറില്ല. ഭര്ത്താവിനും മകള്ക്കുമൊപ്പമുള്ള സ്വകാര്യ ജീവിതത്തിനാണ് അസിന് ഇന്ന് പ്രാധാന്യം നല്കുന്നത്.
എന്നാല് പിന്നീട് സമൂഹമാദ്ധ്യമത്തില് താരമെത്തി. നിലവില് ഭര്ത്താവ് രാഹുലിനൊപ്പം വേനലവധിക്കാലം ആഘോഷിക്കുകയാണെന്ന് അസിന് ഇന്സ്റ്റഗ്രാം സ്റ്റോറിയിലൂടെ വ്യക്തമാക്കിയത്. എന്നാല് ഇപ്പോഴിതാ അസിനെക്കുറിച്ച് തമിഴ് സിനിമാ രംഗത്തെ മാധ്യമപ്രവര്ത്തകന് ചെയ്യാറു ബാലു പറഞ്ഞ വാക്കുകളാണിപ്പോള് ശ്രദ്ധ നേടുന്നത്.
സാധാരണയായി നടിമാര്ക്കൊപ്പം അമ്മയാണ് സെറ്റില് ഒപ്പം വരാറെങ്കില് അസിനൊപ്പം നടിയുടെ പിതാവാണ് വന്നിരുന്നതെന്ന് ഇദ്ദേഹം പറയുന്നു. അസിന്റെ സിനിമകളുടെ കഥ കേട്ടിരുന്നത് അച്ഛനാണെന്നും സില്ലിനൊരു കാതല് എന്ന സിനിമയില് ഭൂമിക ചെയ്ത വേഷം അസിന് നിരസിച്ചതിനെക്കുറിച്ചും ചെയ്യാറു ബാലു വെളിപ്പെടുത്തി. സൂര്യയാണ് അസിനെ നായികയായി നിര്ദ്ദേശിച്ചത്.
എന്നാല് ജ്യോതികയുടെ കഥാപാത്രമാണെങ്കില് എന്റെ മകള് ചെയ്യാം. സെക്കന്റ് ഹീറോയിനായ ഈ കഥാപാത്രം വേണ്ടെന്ന് അസിന്റെ പിതാവ് പറയുകയായിരുന്നു. ഈ തീരുമാനത്തില് സൂര്യ നിരാശനായി. തുടര്ന്ന് അസിന് പകരമാണ് ഭൂമിക സിനിമയിലെത്തുന്നത്. പിന്നീട് സിനിമ ഇറങ്ങിയ ശേഷം ഈ കഥാപാത്രം നഷ്ടപ്പെട്ടല്ലോ എന്നോര്ത്ത് അസിന് വിഷമിച്ചതായും ഇദ്ദേഹം പറഞ്ഞു.
ഇതുകൂടാതെ ബില്ല എന്ന സിനിമയില് അജിത്ത് അസിനെ നായികയാക്കാന് നിര്ദ്ദേശിച്ചിരുന്നു. അസിന്റെ ഫോട്ടോ ഷൂട്ടുകള് നടത്തി. ഇതില് പ്രധാനപ്പെട്ട ഒരു ഫോട്ടോഷൂട്ടില് ബിക്കിനി ധരിക്കേണ്ടിയിരുന്നു. എന്നാല് അത് പറ്റില്ലെന്ന് അസിന്റെ പിതാവ് പറയുകയും അങ്ങനെയാണ് ആ സിനിമ നയന്താരയ്ക്ക് ലഭിക്കുന്നതെന്നും ബാലു ഓര്ത്തു.
അന്ന് ഒരു സിനിമയിലും ശരീരപ്രദര്ശനത്തിന് അസിന് തയ്യറായിരുന്നില്ല. മറ്റ് നടികളെ പോലെ അസിന് കഷ്ടപ്പെട്ട് അവസരങ്ങള് തേടി വന്ന ആളല്ല. ധനിക കുടുംബത്തിലായതിനാല് പണത്തിന് വലിയ പ്രാധാന്യം ഇല്ലായിരുന്നു. വേണമെങ്കില് പത്ത് കമ്ബനി അവര്ക്ക് നടത്താം. ഭര്ത്താവും ധനികനാണ്. വിവാഹശേഷം എന്തിനാണ് ഇനി അഭിനയിക്കുന്നതെന്ന് അസിന് തോന്നിയിരിക്കാം എന്നും ചെയ്യാറു ബാലു അഭിപ്രായപ്പെട്ടു.
https://www.facebook.com/Malayalivartha