ഇന്ത്യന് 2 ന്റെ പ്രധാന ഭാഗങ്ങള് ഇന്ന് കണ്ടു, ഷങ്കറിന് എന്റെ എല്ലാവിധ ഭാവുകങ്ങളും നേരുന്നു... ഇന്ത്യന് 2 സംവിധായകന് ഷങ്കറിന് വാച്ച് സമ്മാനിച്ച് കമല് ഹാസന്
പ്രേക്ഷകര് ഏറെ കാത്തിരിക്കുന്ന ചിത്രമാണ് ഇന്ത്യന് 2. കൊവിഡിന് മുന്പ് ആരംഭിച്ച ചിത്രം ഇടക്കാലത്ത് വിവിധ കാരണങ്ങള് മുടങ്ങിയിരുന്നു. ചിത്രത്തിന്റെ നിര്മ്മാതാക്കളായ ലൈക്കാ പ്രൊഡക്ഷന്റെ പ്രശ്നങ്ങള് ഉദയനിധി സ്റ്റാലിന്റെ റെഡ് ജൈന്റ പ്രൊഡക്ഷന് കൂടി ഇടപെട്ട് തീര്ത്തതോടെയാണ് ചിത്രത്തിന്റെ ഷൂട്ടിംഗ് വീണ്ടും ആരംഭിച്ചത്.
ചിത്രത്തില് കമലിന്റെ ഭാഗങ്ങള് തീര്ന്നുവെന്നാണ് റിപ്പോര്ട്ട്. ഇപ്പോള് ചിത്രത്തിന്റെ പുതിയ അപ്ഡേഷനുമായി എത്തിയിരിക്കുകയാണ് കമല്. ട്വിറ്ററിലാണ് കമല് പുതിയ പോസ്റ്റ് നടത്തിയിരിക്കുന്നത്. ഇന്ത്യന് 2 സംവിധായകന് ഷങ്കറിന് ഒരു സമ്മാനം നല്കിയിരിക്കുകയാണ് കമല്ഹാസന്. ചിത്രത്തിന്റെ പ്രധാന ഭാഗങ്ങള് കണ്ടതിനു പിന്നാലെ ഷങ്കറിന് ഒരു ആഢംബര വാച്ച് സമ്മാനിച്ചിരിക്കുകയാണ് കമല് ഹാസന്. പ്രധാന ഭാഗങ്ങള് കണ്ടതിനു ശേഷം ഒരു കുറിപ്പും കമല് ഹാസന് ട്വിറ്ററില് പങ്കുവെച്ചിട്ടുണ്ട്.
ലക്ഷ്വറി ബ്രാന്ഡായ പാനെറായി വാച്ചാണ് താരം ഷങ്കറിന് സമ്മാനിച്ചത്. ഈ വാച്ചിന്റെ തുടക്ക വില തന്നെ 4 ലക്ഷത്തിലാണ് ആരംഭിക്കുന്നത്. 'ഇന്ത്യന് 2 ന്റെ പ്രധാന ഭാഗങ്ങള് ഇന്ന് കണ്ടു, ഷങ്കറിന് എന്റെ എല്ലാവിധ ഭാവുകങ്ങളും നേരുന്നു. ഷങ്കറിന്റെ കലാജീവിതത്തിലെ ഏറ്റവും ഉയര്ന്ന കാലഘട്ടമാണിത്. കൂടുതല് ഉയരങ്ങള് ഇനിയും താണ്ടണമെന്നും' കമല് ഹാസന് കുറിച്ചു.
സ്വന്തം സിനിമകള്ക്ക് പിന്നാലെ സംവിധായകര്ക്ക് സമ്മാനങ്ങള് നല്കുന്നതില് മടി കാണിക്കാത്ത താരമാണ് കമല് ഹാസനാണ്. വിക്രം സിനിമയുടെ വമ്പന് വിജയത്തിനു പിന്നാലെ ലോകേഷ് കനകരാജിന് കമല് ഹാസന് ലെക്സസ് കാര് സമ്മാനിച്ചത് വാര്ത്തയായിരുന്നു.
https://www.facebook.com/Malayalivartha