ഒരുപാട് തകര്ന്നുപോയ ഒരാഴ്ച... നടി അനുശ്രീ സമൂഹമാധ്യമങ്ങളിലൂടെ പങ്കുവച്ച കുറിപ്പ്
ഉത്ഖണ്ഠയും സങ്കടവും നിറഞ്ഞ ഒരാഴ്ച കടന്നുപോയെന്നും പുതിയ തുടക്കത്തിനുള്ള സമയമായെന്നും നടി അനുശ്രീ. സമൂഹമാധ്യമങ്ങളിലൂടെ പങ്കുവച്ച ഒരു കുറിപ്പിലാണ് ഏറെ സങ്കടവും ഒറ്റപ്പെടലും തോന്നിയ ഒരാഴ്ചയെക്കുറിച്ച് അനുശ്രീ തുറന്നു പറഞ്ഞത്. ഒരുപാട് സ്നേഹിക്കുന്ന കുടുംബത്തിനും പിന്തുണച്ച സുഹൃത്തുക്കള്ക്കും വേണ്ടി സന്തോഷമായി മുന്നോട്ട് പോകാനാണ് തീരുമാനമെന്നും ഇനി ഒരിക്കലും ദുഃഖിക്കില്ലെന്നും താരം പറയുന്നുണ്ട്. പുഞ്ചിരിക്കുന്ന ഒരു വിഡിയോയൊക്കൊപ്പമാണ് അനുശ്രീ തന്റെ ഏറ്റവും വിഷമകരമായ ദിനങ്ങള് കടന്നുപോയതിനെപ്പറ്റി കുറിച്ചത്.
''ഒരുപാട് തകര്ന്നുപോയ ഒരാഴ്ച, ഭയത്തിന്റെയും കണ്ണുനീരിന്റെയും ഒരാഴ്ച. അത് ഉത്കണ്ഠയുടെയും പ്രതീക്ഷയുടെയും ഒരാഴ്ചയായിരുന്നു. ഈ കടങ്കഥ പരിഹരിക്കാന് ഞാന് ആകാംക്ഷയോടെ കാത്തിരിക്കുകയായിരുന്നു, പക്ഷേ ഇത് ഒരിക്കലും മാറില്ലെന്ന് എനിക്കുറപ്പായി, അതിനാല് ഞാന് മുന്നോട്ട് തന്നെ പോകാന് തീരുമാനിക്കുകയാണ്. കാരണം ആഘോഷിക്കാന് എനിക്കൊരു ലോകം തന്നെ കാത്തിരിക്കുന്നു. സ്നേഹിക്കാന് ഒരു കുടുംബവും പിന്തുണയ്ക്കാന് കുറെയേറെ സുഹൃത്തുക്കളുമുണ്ട്. സുന്ദരമായ ഒരു ജീവിതം എന്നെ കാത്തിരിക്കുന്നു അതിനാല് ഇനി മുതല് ഈ ദുഃഖത്തിലേക്ക് ഞാന് തിരിഞ്ഞു നോക്കില്ല. ഈ സങ്കടത്തെക്കുറിച്ച് ചിന്തിക്കുന്നത് ഞാന് എന്നന്നേക്കുമായി അവസാനിപ്പിക്കുകയാണ്.'' അനുശ്രീ പറയുന്നു.
ഉത്ഖണ്ഠയും സങ്കടവും നിറഞ്ഞ ഒരാഴ്ചയാണ് കടന്നുപോയതെന്ന് പറയുന്ന അനുശ്രീ ദുഃഖത്തിന് കാരണമെന്താണെന്നോ എന്താണ് സംഭവിച്ചതെന്നോ വെളിപ്പെടുത്തിയിട്ടില്ല. എന്താണ് സംഭവിച്ചതെന്ന് അനുശ്രീ തുറന്നു പറയുന്നത് കാത്തിരിക്കുകയാണ് ആരാധകര്. അനുശ്രീയുടെ കുറിപ്പുകളില് നിന്നും താരം വിഷമത്തിലാണെന്ന് മനസ്സിലായെന്നും അതെല്ലാം തരണം ചെയ്തു തിരിച്ചുവരുന്നതില് സന്തോഷമുണ്ടെന്നുമാണ് ആരാധകരുടെ കമന്റുകള്.
https://www.facebook.com/Malayalivartha