നടന് വിജയകുമാറിനെതിരെ കൂടുതല് വെളിപ്പെടുത്തലുമായി മകളും നടിയുമായ അര്ഥന ബിനു
ഒരു അച്ഛന് എന്ന നിലയില് വിജയകുമാര് തങ്ങളെ ഒരു കാലത്തും സംരക്ഷിച്ചിട്ടില്ലെന്നും ആ സമ്പത്തിലോ തണലിലോ അല്ല ജീവിച്ചതെന്നും മകളും നടിയുമായ അര്ഥന ബിനു ഇന്സ്റ്റാഗ്രാമില് കുറിച്ചു. വിജയകുമാര് അയച്ച പണം കോടതി ജീവനാംശമായി നല്കാന് വിധിച്ച തുകയുടെ ഗഡുക്കളാണ് അല്ലാതെ ഒരു കാലത്തും തങ്ങള്ക്ക് അദ്ദേഹം ചെലവിന് തന്നിട്ടില്ല എന്നും നടി ഇന്സ്റ്റാഗ്രാമില് വ്യക്തമാക്കി. അര്ത്ഥനയുടെ കുറിപ്പിങ്ങനെ.
എന്റെ ബയോളജിക്കല് ഫാദര് ആയ മിസ്റ്റര് വിജയകുമാറിന്റെ സാമ്പത്തികത്തിന്റേയോ പ്രശസ്തിയുടെയോ ഇമോഷനല് സപ്പോര്ട്ടിന്റെയോ തണലില് ജീവിച്ചിട്ടുള്ളവരല്ല ഞാനും എന്റെ കുടുംബവും. തുണികള് തയ്ച്ചും ഡേ കെയറും ബ്യൂട്ടി പാര്ലറും നടത്തിയും കഷ്ടപ്പെട്ടിട്ടാണ് അമ്മ എന്നെയും അനിയത്തിയെയും വളര്ത്തിയത്. അതുകൊണ്ടു തന്നെ ബിനുവിന്റെ മകളാണെന്ന് അഭിമാനത്തോടെ പറയുന്നതാണ് വിജയകുമാറിന്റെ മകളെന്ന് അറിയപ്പെടുന്നതിനേക്കാള് എനിക്കിഷ്ടം.
നഴ്സറി ക്ലാസ്സുകളില് പഠിക്കുമ്പോള് മാത്രമാണ് അച്ഛനോടൊപ്പം താമസിച്ചിട്ടുള്ളതെന്നും ജീവിക്കാന് പോലും നിവര്ത്തിയില്ലാതായപ്പോള് അമ്മയുടെ അച്ഛന് തങ്ങളെ അവരുടെ വീട്ടിലേക്കു വിളിച്ചു കൊണ്ടുവരുകയായിരുന്നുവെന്നും അര്ഥന പറഞ്ഞു. ഇന്സ്റ്റാഗ്രാമില് പോസ്റ്റിട്ടതുതന്നെ പൊലീസുപോലും പ്രൊട്ടക്ഷന് ചെയ്യാനില്ലാല്ലോ എന്ന വിഷമത്തിലാണ്. പോസ്റ്റ് കണ്ടിട്ടെങ്കിലും പൊലീസ് ആക്ഷന് എടുക്കട്ടെ എന്ന് മാത്രമായിരുന്നു എന്റെ ആഗ്രഹം എന്നുമാണ് അര്ത്ഥന കുറിച്ചത്.
https://www.facebook.com/Malayalivartha