ഇനി അച്ഛൻ വിളിക്കും. അപ്പോൾ നമ്മൾ എടുക്കരുത്: കാവ്യയെ വിലക്കി മഹാലക്ഷ്മി:- വൈറലായി ദിലീപിന്റെ വാക്കുകൾ....
മഞ്ജുവുമൊത്തുള്ള ദാമ്പത്യം അവസാനിപ്പിച്ച ശേഷം ദിലീപ് നടി കാവ്യ മാധവനെ വിവാഹം ചെയ്ത് സ്വസ്ഥമായ കുടുംബജീവിതം നയിക്കുകയാണ്. മകൾ മീനാക്ഷിയുടെ സംരക്ഷണം ദിലീപാണ് ഏറ്റെടുത്തിരിക്കുന്നത്. കൂടാതെ കാവ്യ മാധവനിൽ മഹാലക്ഷ്മി എന്നൊരു മകൾ കൂടി ദിലീപിനുണ്ട്. രണ്ടാം വിവാഹത്തിന് ശേഷം അഭിനയ ജീവിതം കാവ്യ അവസാനിപ്പിച്ചു. മകളുടെ പഠനവും മറ്റ് കാര്യങ്ങളും നോക്കി തിരക്കിലാണ് കാവ്യ. അഞ്ച് വയസ്സാണ് മഹാലക്ഷ്മിക്ക് പ്രായം. മുൻപ് വളരെ വിരളമായി മാത്രമാണ് മഹാലക്ഷ്മി പൊതുവേദികളിൽ പ്രത്യക്ഷപ്പെട്ടിരുന്നത്. ഇപ്പോൾ അച്ഛനും അമ്മയ്ക്കും ഒപ്പം മിക്ക വേദികളിലും മഹാലക്ഷ്മിയെ കാണാറുണ്ട്. ഇപ്പോഴിതാ ഒരു അഭിമുഖത്തിൽ മകളെ കുറിച്ച് ദിലീപ് പറഞ്ഞ വാക്കുകൾ ശ്രദ്ധനേടുകയാണ്.
ഭയങ്കര കാന്താരിയാണ് മഹാലക്ഷ്മിയെന്നാണ് ദിലീപ് പറയുന്നത്. കഴിഞ്ഞ ദിവസമുണ്ടായ രസകരമായ ഒരു സംഭവവും നടൻ പങ്കുവച്ചു. 'ഭയങ്കര കാന്താരിയാണ്. കഴിഞ്ഞ രണ്ടു ദിവസം നെറ്റ് ഷൂട്ടൊക്കെ ആയിട്ട് രാവിലെ വൈകിയാണ് ഞാൻ എഴുന്നേറ്റത്. രാവിലെ സ്കൂളിൽ പോകുന്നതിന് മുൻപ് ഇവൾ വിളിച്ചു. ഞാൻ എടുത്തില്ല. പകരം എനിക്കൊരു വോയ്സ് നോട്ട് അയച്ചു. 'അച്ഛനെ ഞാൻ ഇന്നലെ വിളിച്ചു, ഇന്നും വിളിച്ചു, ഫോൺ എടുത്തില്ല. ഞാൻ പോകുവാ' എന്ന്. വോയ്സ് മെസേജ് അയച്ച ശേഷം കാവ്യയോട്, ഇനി അച്ഛൻ വിളിക്കും. അപ്പോൾ നമ്മൾ എടുക്കരുത്. അതേ നമുക്ക് ചെയ്യാൻ പറ്റൂ' എന്നു പറഞ്ഞു', ദിലീപ് പറയുന്നു.
മഹാലക്ഷ്മി യുകെജിയിലാണ് പഠിക്കുന്നത്. കാവ്യയും മകളുമൊക്കെ ഇപ്പോൾ ചെന്നൈയിലാണ് താമസമെന്നും ദിലീപ് വ്യക്തമാക്കി. മാമാട്ടി എന്ന പേര് മോൾ തന്നെ അവൾക്കിട്ടതാണെന്നും ദിലീപ് പറഞ്ഞു. മഹാലക്ഷ്മി എന്നാണ് മോൾടെ പേര്, ആര് ചോദിച്ചാലും പറയണം എന്നൊക്കെ പറഞ്ഞു കൊണ്ടുത്തിരുന്നു. പക്ഷെ മഹാലക്ഷ്മി എന്ന് പറയാൻ കഴിയുന്നില്ലായിരുന്നു. മാമാച്ചി എന്നാണ് പറഞ്ഞത്.
അത് പിന്നീട് മാമാട്ടിയായി, എല്ലാവരും അങ്ങനെ തന്നെ വിളിക്കുകയായിരുന്നു. മീനാക്ഷിയും മഹാലക്ഷ്മിയും നല്ല കമ്പനിയാണെന്നും ചെറുപ്പത്തിൽ മീനാക്ഷി എങ്ങനെയിരുന്നോ, മഹാലക്ഷ്മിയും അതുപോലെ തന്നെയാണെന്നും ദിലീപ് പറഞ്ഞു. അച്ഛന്റെയും അമ്മയുടെയും കയ്യിൽ തൂങ്ങി നടക്കുന്ന മഹാലക്ഷ്മിയുടെ ചിത്രങ്ങളും വീഡിയോയുമൊക്കെ അടുത്തിടെ സോഷ്യൽ മീഡിയയിൽ വൈറലായി മാറിയിരുന്നു. മാമാട്ടി എന്നാണ് മകളെ കാവ്യയും ദിലീപും വിളിക്കുന്നത്. 2016 ൽ വിവാഹിതരായ ഇവർക്ക്, 2018ലാണ് മഹാലക്ഷ്മി ജനിക്കുന്നത്.
വോയ്സ് ഓഫ് സത്യനാഥൻ എന്ന സിനിമയാണ് ദിലീപിന്റേതായി റിലീസിന് ഒരുങ്ങുന്നത്. റാഫിയാണ് ചിത്രം സംവിധാനം ചെയ്യുന്നത്. സംവിധാനത്തിനൊപ്പം ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നതും റാഫി തന്നെയാണ്. ജൂലൈ 14ന് ചിത്രം തിയേറ്ററുകളിൽ എത്തുന്നത്. വോയ്സ് ഓഫ് സത്യനാഥന് ശേഷം ബാന്ദ്ര എന്ന ചിത്രമാണ് ദിലീപിന്റേതായി അണിയറയിൽ ഒരുങ്ങുന്നത്. അതിനിടെ ഒരേ സമയം ദിലീപിനും മഞ്ജുവിനും ഉണ്ടായ അപകടത്തെ കുറിച്ചും സോഷ്യൽ മീഡിയയിൽ കമന്റുകൾ നിറഞ്ഞിരുന്നു.
ഇരുവരുടെയും കൈകൾക്ക് ഒരേ സമയം പരിക്കേറ്റത്. ദിലീപിന്റെ വലതുകൈയ്ക്കാണ് പരിക്കേറ്റിരിക്കുന്നത്. ഷൂട്ടിങിനിടെ സംഭവിച്ചതാണെന്നാണ് ദിലീപ് പറഞ്ഞത്. കറുത്ത ബാൻഡ് എയ്ഡ് ധരിച്ച കയ്യുമായിട്ടാണ് റിലീസിനൊരുങ്ങുന്ന ഏറ്റവും പുതിയ സിനിമ വോയ്സ് ഓഫ് സത്യനാഥന്റെ പ്രമോഷന് ദിലീപ് എത്തിയത്. സമാനമായി മഞ്ജുവിന്റെ കൈകൾക്കും പരിക്കേറ്റു. മഞ്ജുവിന്റെ ഇടത് കൈക്കാണ് പരിക്ക് പറ്റിയത്. മാഞ്ചസ്റ്ററിൽ നടന്ന ആനന്ദ് ടിവി ഫിലിം അവാർഡ്സിൽ മഞ്ജു വാര്യർ പങ്കെടുത്തപ്പോഴുള്ള ചിത്രങ്ങൾ പുറത്ത് വന്നപ്പോഴാണ് ഇരുവർക്കും ഒരേസമയമാണല്ലോ പരിക്ക് പറ്റിയത് എന്ന കാര്യം ആരാധകരും ശ്രദ്ധിച്ചത്. ഇതോടെ രണ്ടുപേരുടെയും ചിത്രങ്ങൾ വൈറലാകാൻ തുടങ്ങി. ദിലീപ് ധരിച്ചത് പോലുള്ള ബാൻഡ് എയ്ഡ് തന്നെയാണ് മഞ്ജുവും ധരിച്ചിരുന്നത്.
https://www.facebook.com/Malayalivartha