നടന് സുരാജ് വെഞ്ഞാറമൂട് സഞ്ചരിച്ച കാറും ബൈക്കും കൂട്ടിയിടിച്ചു... എറണാകുളം പാലാരിവട്ടത്തുണ്ടായ അപകടത്തില് ബൈക്ക് യാത്രക്കാരന് പരുക്ക്
നടന് സുരാജ് വെഞ്ഞാറമൂട് സഞ്ചരിച്ച കാറും ബൈക്കും കൂട്ടിയിടിച്ച് അപകടം . എറണാകുളം പാലാരിവട്ടത്തുണ്ടായ അപകടത്തില് ബൈക്ക് യാത്രക്കാരന് പരിക്കേറ്റിട്ടുണ്ട്. മലപ്പുറം മഞ്ചേരി സ്വദേശിയായ ശരത്തിനാണ് പരിക്കേറ്റത്. ഇദ്ദേഹത്തെ പാലാരിവട്ടത്തെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
ഇന്നലെ രാത്രി 12 മണിയോടെയായിരുന്നു അപകടമുണ്ടായത്. സുരാജ് വെഞ്ഞാറമൂട് കാറില് തിരുവനന്തപുരം ഭാഗത്തേക്ക് വരുന്നതിനിടെ എതിര് ദിശയില് സഞ്ചരിച്ചിരുന്ന ബൈക്കുമായാണ് കാര് കൂട്ടിയിടിച്ചത്.
ബൈക്കില് യാത്ര ചെയ്തിരുന്ന ശരത്തിന്റെ കാലിന് സാരമായ പരിക്ക് പറ്റിയിട്ടുണ്ട്. അദ്ദേഹത്തെ പാലാരിവട്ടം പൊലീസ് സ്റ്റേഷന് സമീപത്തു തന്നെയുള്ള സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. ശരത്തിന്റെ കാലിന് ശസ്ത്രക്രിയ വേണ്ടി വരുമെന്നാണ് ആശുപത്രി വൃത്തങ്ങള് .
അപകടത്തില് സുരാജ് വെഞ്ഞാറമൂടിന് കാര്യമായ പരിക്കുകളൊന്നുമില്ല. എന്നാല് അദ്ദേഹവും ആശുപത്രിയില് എത്തിയിട്ടുണ്ടായിരുന്നു. പിന്നീട് അവിടെ നിന്ന് മടങ്ങി. അപകടത്തില് പാലാരിവട്ടം പൊലീസ് കേസ് രജിസ്റ്റര് ചെയ്തു.
"
https://www.facebook.com/Malayalivartha