മദ്യപാനവും പുകവലിയും ഉപേക്ഷിച്ചതിനെ കുറിച്ച് തുറന്ന് പറഞ്ഞ് സൂപ്പര് സ്റ്റാര് രജനീകാന്ത്
തമിഴകത്ത് മാത്രമല്ല ഇന്ത്യന് സിനിമയിലെ തന്നെ സൂപ്പര്താരമാണ് രജനീകാന്ത്. താരത്തിന്റെ ഓരോ സിനിമകള്ക്കും ആരാധകര് ഏറെ പ്രതീക്ഷയോടെയാണ് കാത്തിരിക്കുന്നത്. വര്ഷങ്ങള്ക്ക് മുന്പ് അസുഖ ബാധിതനായതോടെയാണ് രജനീകാന്ത് മദ്യപാനവും പുകവലിയും ഉപേക്ഷിച്ചത്. മുന്പൊരിക്കല് താരം തന്റെ ജീവിതം ആരോഗ്യകരവും മനോഹരവുമാക്കിയതിന് ഭാര്യ ലതയ്ക്ക് നന്ദി പറഞ്ഞിരുന്നു.
ഇപ്പോള് തന്റെ മദ്യപാനശീലത്തേക്കുറിച്ച് രജനീകാന്ത് പറഞ്ഞ വാക്കുകളാണ് ശ്രദ്ധനേടുന്നത്. മദ്യപനല്ലായിരുന്നെങ്കില് താനൊരു നല്ല മനുഷ്യനും നടനുമായേനെ എന്നാണ് രജനീകാന്ത് പറഞ്ഞത്.
സ്ഥിരമായുള്ള മദ്യപാനശീലം ഒഴിവാക്കണമെന്ന് താരം ആരാധകരോട് ആവശ്യപ്പെടുകയും ചെയ്തു. എന്നാല് പാര്ട്ടിയിലും മറ്റും ഇടയ്ക്ക് മദ്യപിക്കുന്നത് പ്രശ്നമല്ലെന്നും താരം വ്യക്തമാക്കിയിരുന്നു. ഈ പരാമര്ശം വിവാദങ്ങള്ക്ക് കാരണമായിട്ടുണ്ട്. ഒരു രീതിയിലും മദ്യപാനത്തെ പ്രോത്സാഹിപ്പിക്കരുത് എന്നാണ് ആരാധകരോട് പറഞ്ഞത്. പുതിയ ചിത്രമായ ജെയിലറിന്റെ ഓഡിയോ ലോഞ്ചിനിടെയായിരുന്നു താരത്തിന്റെ തുറന്നു പറച്ചില്.
നെല്സണ് സംവിധാനം ചെയ്യുന്ന ചിത്രം ജയിലര് ഇന്നാണ് തിയറ്ററില് എത്തിയത്. ആദ്യമായി മോഹന്ലാല് രജനീകാന്തിനൊപ്പം അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്. തമന്നയാണ് ചിത്രത്തിലെ നായിക. സണ് പിക്ചേഴ്സിന്റെ ബാനറില് കലാനിധി മാരന് നിര്മിക്കുന്നത്.
https://www.facebook.com/Malayalivartha