ബ്രേക്കിംഗ് ബാഡ്, ബെറ്റര് കോള് സോള് എന്നീ ഹിറ്റ് ടിവി സീരിസുകളിലെ ശക്തനായ കഥാപാത്രം ഡോണ് ഹെക്ടര് സലാമങ്കയായി വേഷമിട്ട മാര്ക്ക് മാര്ഗോലിസ് അന്തരിച്ചു...
ബ്രേക്കിംഗ് ബാഡ്, ബെറ്റര് കോള് സോള് എന്നീ ഹിറ്റ് ടിവി സീരിസുകളിലെ ശക്തനായ കഥാപാത്രം ഡോണ് ഹെക്ടര് സലാമങ്കയായി വേഷമിട്ട മാര്ക്ക് മാര്ഗോലിസ് (83) അന്തരിച്ചു.
അസുഖത്തെ തുടര്ന്ന് വ്യാഴാഴ്ച ന്യൂയോര്ക്കിലെ ആശുപത്രിയില് വച്ചാണ് മാര്ഗോലിസ് മരിച്ചത്. ഭാര്യയും മകനും മരണ സമയത്ത് അടുത്തുണ്ടായിരുന്നു. 'ബ്രേക്കിംഗ് ബാഡ്' താരം ബ്രയാന് ക്രാന്സ്റ്റണ് ആദരാഞ്ജലി അര്പ്പിച്ച് സോഷ്യല് മീഡിയയില് പോസ്റ്റിട്ടിരുന്നു. 'സുഹൃത്തിന്റെ വിയോഗത്തെക്കുറിച്ച് വാര്ത്തയില് ഇന്ന് വളരെ ദുഃഖിതനാണ്' - അദ്ദേഹം എഴുതി. മാര്ക്ക് മാര്ഗോലിസ് ഒരു നല്ല നടനും സുന്ദരനായ മനുഷ്യനുമായിരുന്നു എന്നും അദ്ദേഹം അനുസ്മരിച്ചു.
'ബെറ്റര് കോള് സോള്' എന്ന സ്പിന്-ഓഫ് സീരീസിലെ സോളിനെ അവതരിപ്പിച്ച ബോബ് ഒഡെന്കിര്ക്ക് മാര്ഗോലിസിനെ 'ശക്തമായ സ്ക്രീന് സാന്നിധ്യം' എന്നാണ് അനുസ്മരിച്ചത്
മയക്കുമരുന്ന് കാര്ട്ടല് കുടുംബമായ സലാമങ്കയിലെ മുതിര്ന്ന അംഗമാണ് ബ്രേക്കിംഗ് ബാഡ് സീരിസില് മാര്ക്ക് അവതരിപ്പിച്ച ഡോണ് ഹെക്ടര്. വില്ലനായ ഗസ് ഫ്രിംഗ് ചതിയിലൂടെ വിഷം നല്കിയതിനെ തുടര്ന്ന് വിരല് ഒഴികെ എല്ലാം തളര്ന്നു. എന്നാല് ഒരു മണി തട്ടി തന്റെ കാര്യങ്ങള് നേടിയെടുക്കുന്നുണ്ട് ശക്തനായ ഈ കഥാപാത്രം. 1939-ല് ഫിലാഡല്ഫിയയില് ജനിച്ച മാര്ഗോലിസ് അഭിനയം കരിയര് ആക്കാനായി ന്യൂയോര്ക്കിലേക്ക് എത്തി. സ്കാര്ഫേസ്,ഏസ് വെഞ്ചുറ: പെറ്റ് ഡിറ്റക്റ്റീവ് ,ബ്ലാക്ക് സ്വാന് തുടങ്ങിയ ഹിറ്റ് ചിത്രങ്ങളിലും. എച്ച്ബിഒ സീരീസ് ഓസ് തുടങ്ങിയ സീരിസുകളിലും ഇദ്ദേഹം അഭിനയിച്ചിട്ടുണ്ട്. 2012-ല് ബ്രേക്കിംഗ് ബാഡ് സീരിസിലെ അഭിനയത്തിന് എമ്മി അവാര്ഡ് നാമനിര്ദ്ദേശം ലഭിച്ചു.
"
https://www.facebook.com/Malayalivartha