ഒറ്റപ്പാലത്ത് ഗണേശോത്സവത്തില്‍ പങ്കെടുത്ത് പ്രശസ്ത തരാം അനുശ്രീ പറഞ്ഞു. ഹിന്ദു വിശ്വാസികള്‍ക്ക് നട്ടെല്ലില്ല എന്നാണ് ചിലരുടെ ധാരണയെന്ന് അനുശ്രീ. ഹിന്ദു വിശ്വാസികളുടെ നട്ടെല്ല് എന്താണെന്ന് കാണിച്ചു കൊടുക്കേണ്ട സമയം കഴിഞ്ഞു.

അവരവരുടെ വിശ്വാസങ്ങളെയും അനുഷ്ഠാനങ്ങളെയും സംരക്ഷിക്കാനുള്ള അവകാശം ഭാരതത്തില്‍ എല്ലാവര്‍ക്കുമുണ്ട്. ശ്രീകൃഷ്ണ ജയന്തിക്ക് ഭാരതാംബ ആയതിന് തന്നെ വര്‍ഗീയവാദി ആക്കിയവരുണ്ട്. ഹിന്ദുക്കള്‍ നട്ടെല്ല് ഇല്ലാത്തവരൊന്നുമല്ല, തന്റെ വിശ്വാസങ്ങളെ ഹനിക്കുന്ന തരത്തില്‍ എന്തെങ്കിലും ഉണ്ടായാല്‍ തനിക്ക് കഴിയും വിധം പ്രതിഷേധിക്കുമെന്നും അനുശ്രീ പറഞ്ഞു.

എല്ലാവരും മനസിലാക്കേണ്ട ഒരു കാര്യമുണ്ട്, ആരെങ്കിലും എവിടെയെങ്കിലും ഇരുന്ന് പറഞ്ഞുവെന്ന് കരുതി ഒരു വിശ്വാസി അവിശ്വാസി ആകുന്നില്ല. നമ്മള്‍ ജനിച്ചപ്പോള്‍ മുതല്‍ കണ്ട കാര്യങ്ങളും, കണ്ടു വളരുന്ന ആചാരാനുഷ്ഠാനങ്ങളും ഉണ്ട്. എത്രയോ കാലം കൊണ്ട് വിശ്വാസി ആയവരാണ് നമ്മള്‍. ആരെങ്കിലും എവിടെയെങ്കിലും ഇരുന്ന് ഗണപതി കെട്ടുക്കഥയാണ്, അല്ലെങ്കില്‍ മഹാദേവൻ കെട്ടുകഥയാണ് എന്നൊക്ക പറഞ്ഞാല്‍ നമ്മളിലെ വിശ്വാസി അവിശ്വസിയാകാൻ പോകുന്നില്ല. അതുകൊണ്ട് നമ്മുടെ വിശ്വാസങ്ങള്‍ നഷ്ടപ്പെടുകയില്ല എന്നും അനുശ്രീ പറഞ്ഞു.