പള്സര് സുനിയുടെ ജാമ്യഹര്ജി വീണ്ടും തള്ളി ഹൈക്കോടതി: ജാമ്യഹര്ജി കോടതി തളളുന്നത് ആറാം തവണ
കൊച്ചിയിൽ നടി ആക്രമിക്കപ്പെട്ട കേസിൽ മുഖ്യപ്രതി പള്സര് സുനിയുടെ ജാമ്യഹര്ജി ഹൈക്കോടതി വീണ്ടും തളളി. ഇത് ആറാം പള്സര് സുനിയുടെ ജാമ്യഹര്ജി കോടതി തളളുന്നത്. 2017 ഫെബ്രുവരിയില് അറസ്റ്റിലായത് മുതല് വിചാരണ തടവുകാരനായി തുടരുകയാണ് പള്സര് സുനി. ഇതിനിടെ കഴിഞ്ഞ ആറ് വര്ഷത്തിനിടെ നിരവധി തവണയാണ് പള്സര് സുനിയുടെ ജാമ്യാപേക്ഷ വിവിധ കോടതികള് തള്ളിയത്.
നടന് ദിലീപിന്റെ നിര്ദ്ദേശപ്രകാരം നടിയെ തട്ടിക്കൊണ്ടുപോയി കാറില് കയറ്റി ആക്രമിക്കുകയും അപകീര്ത്തിപ്പെടുത്താനുള്ള ഉദ്ദേശ്യത്തോടെ ഫോട്ടോയെടുക്കുകയും ചെയ്തുവെന്നതാണ് സുനിക്കെതിരായ കേസ്. ഈ കേസിലെ എട്ടാം പ്രതിയാണ് ദിലീപ്.
കേസില് ദിലീപും അറസ്റ്റിലായിരുന്നെങ്കതിലും 85 ദിവസത്തെ ജയില്വാസത്തിന് ശേഷം ജാമ്യം അനുവദിക്കുകയായിരുന്നു. പിതാവിന്റെ സംസ്കാര ചടങ്ങുകളില് പങ്കെടുക്കാന് പള്സര് സുനിക്ക് കോടതി താല്ക്കാലിക ജാമ്യം അനുവദിച്ചിരുന്നു.
ഇക്കഴിഞ്ഞ ഏപ്രിലില് ആയിരുന്നു ഇത്. ഇതൊഴിച്ച് നിര്ത്തിയാല് വര്ഷങ്ങളായി ജയിലില് തുടരുകയാണ് പള്സര് സുനി. നേരത്തെ ന്യായമായ സമയത്തിനുള്ളില് വിചാരണ പൂര്ത്തിയാക്കിയില്ലെങ്കില് സുനിക്ക് ഹൈക്കോടതിയില് ജാമ്യാപേക്ഷ നല്കാമെന്ന് സുപ്രീം കോടതി അറിയിച്ചിരുന്നു. ഇതിനിടെ പലതവണ സുനി ഹൈക്കോടതിയെ സമീപിച്ചിരുന്നെങ്കിലും നിരാശയായിരുന്നു ഫലം.
https://www.facebook.com/Malayalivartha