സിനിമാ സീരിയല് താരം അപര്ണ നായരെ മരിച്ചനിലയില് കണ്ടെത്തി. ...അസ്വാഭാവിക മരണത്തിന് കേസെടുത്ത് പോലീസ്
സിനിമാ സീരിയല് താരം അപര്ണ നായരെ മരിച്ചനിലയില് കണ്ടെത്തി. കരമന തളിയിലെ വീട്ടില് തൂങ്ങിമരിച്ച നിലയിലായിരുന്നു. മൃതദേഹം സ്വകാര്യ ആശുപത്രി മോര്ച്ചറിയില്. അസ്വാഭാവിക മരണത്തിന് കേസെടുത്ത് പോലീസ്. ഇന്നലെ വൈകിട്ട് ഏഴരയോടെയാണ് മരിച്ചനിലയില് കണ്ടത്. ഉടനെ ആശുപത്രിയില് എത്തിച്ചെങ്കിലും നേരത്തെ അന്ത്യം സംഭവിച്ചെന്നാണ് നിഗമനത്തിലുള്ളത്.
ഭര്ത്താവ്: സഞ്ജിത്, മക്കള്: ത്രയ, കൃതിക. മേഘതീര്ഥം, മുദ്ദുഗൗ, അച്ചായന്സ്, കോടതി സമക്ഷം ബാലന് വക്കീല്, കല്ക്കി തുടങ്ങിയ സിനിമകളിലും ചന്ദനമഴ, ആത്മസഖി, മൈഥിലി വീണ്ടും വരുന്നു, ദേവസ്പര്ശം, തുടങ്ങിയ സീരിയലുകളിലും അഭിനയിച്ചിട്ടുണ്ട്.
സംഭവ സമയത്ത് വീട്ടില് അമ്മയും സഹോദരിയും ഉണ്ടായിരുന്നതായി വിവരമുണ്ട്. കരമന പൊലീസ് അന്വേഷണം ആരംഭിച്ചു. അടുത്ത ബന്ധുക്കളില് നിന്ന് മൊഴിയെടുത്തു.
https://www.facebook.com/Malayalivartha