പഴയകാലത്തെ പ്രമുഖ നാടക-സിനിമ നടന് തൃപ്പൂണിത്തുറ വൈക്കം റോഡ് കണ്ണന്കുളങ്ങരയില് വര്ഗീസ് കാട്ടിപ്പറമ്പന് അന്തരിച്ചു...
പഴയകാലത്തെ പ്രമുഖ നാടക-സിനിമ നടന് തൃപ്പൂണിത്തുറ വൈക്കം റോഡ് കണ്ണന്കുളങ്ങരയില് വര്ഗീസ് കാട്ടിപ്പറമ്പന് (88) അന്തരിച്ചു. ആലപ്പുഴ മുഹമ്മ കാട്ടിപ്പറമ്പില് ജോസഫിന്റെയും മറിയത്തിന്റെയും മകനാണ്. ഒരു കാലത്ത് വെള്ളിത്തിരയിലും നാടക അരങ്ങിലും നായകനായി നിറഞ്ഞുനിന്ന അഭിനേതാവായിരുന്നു വര്ഗീസ്.
സിനിമയില് പ്രസാദ് എന്നായിരുന്നു പേര്. 1971-ല് പുറത്തിറങ്ങിയ 'അനാഥശില്പങ്ങള്' എന്ന ഹിറ്റ് സിനിമയിലൂടെയാണ് പ്രസാദ് എന്ന പേരില് വര്ഗീസ് കാട്ടിപ്പറമ്പന് വെള്ളിത്തിരയില് നായകനായത്. സരസ്വതിയായിരുന്നു നായിക. സുമംഗലി എന്ന സിനിമയില് ഷീലയായിരുന്നു വര്ഗീസിന്റെ നായിക.
ലക്ഷ്യം എന്ന സിനിമയില് രാഗിണി, ജയഭാരതി എന്നിവര് നായികമാരായി. പിന്നീട് അധികനാള് സിനിമയില് തുടര്ന്നില്ല. 1954ല് നവോദയ കലാസമിതിയുടെ നശിക്കാത്ത ഭൂമിയില് നായകനായാണ് വര്ഗീസ് കാട്ടിപ്പറമ്പന് നാടകരംഗത്തെത്തിയത്.
തുടര്ന്ന് കൈരളി തീയറ്റേഴ്സ്, പീപ്പിള് തീയറ്റേഴ്സ്, വൈക്കം മാളവിക, അങ്കമാലി പൗര്ണമി, അങ്കമാലി മാനിഷാദ, കോട്ടയം കേരള, കോട്ടയം നാഷണല്, ചങ്ങനാശ്ശേരി ഗീഥ, കായംകുളം പീപ്പിള്സ് തുടങ്ങി കേരളത്തിലെ ഒട്ടുമിക്ക ട്രൂപ്പുകള്ക്കു വേണ്ടിയും നായകനായി അഭിനയിച്ചു. ആകാശവാണി നാടകങ്ങളിലും സ്ഥിരം സാന്നിധ്യമായിരുന്നു അദ്ദേഹം.
https://www.facebook.com/Malayalivartha