ആരാധകര്‍ ആവേശക്കൊടുമുടിയേറി.... കസവുസാരിയണിഞ്ഞ്, മുല്ലപ്പൂ ചൂടി, ഓണാശംസകളുമായി ബോളിവുഡ് നടി സണ്ണി ലിയോണ്‍.

സരോവരത്തിലെ കാലിക്കറ്റ് ട്രേഡ് സെന്ററില്‍ നടന്ന ഫാഷന്‍ റേയ്സ്-വിന്‍ യുവര്‍ പാഷന്‍ ഡിസൈനര്‍ ഷോയില്‍ പങ്കെടുക്കാനാണ് ഇന്നലെ സണ്ണി ലിയോണ്‍ എത്തിയത്.

മലയാളത്തില്‍ ത്തന്നെ അവര്‍ എല്ലാവര്‍ക്കും ഓണാശംസകള്‍ നേര്‍ന്നു. ഭിന്നശേഷിക്കാരായ കുട്ടികള്‍ക്കൊപ്പം റാംപ് വാക്ക് നടത്തിയ സണ്ണി ലിയോണ്‍ കുട്ടികള്‍ ഓരോരുത്തരോടും സംസാരിച്ചു.വന്‍ സുരക്ഷാസംവിധാനമൊരുക്കിയാണ് സണ്ണി ലിയോണിനെ വേദിയിലെത്തിച്ചതെങ്കിലും ഷോയില്‍ പങ്കെടുക്കാനെത്തിയവരുടെയും ആരാധകരുടെയും ആവേശത്തള്ളിച്ചയില്‍ കാര്യങ്ങള്‍ കൈവിട്ടു.

ഒടുവില്‍ ഓഡിറ്റോറിയത്തിലെ വെളിച്ചമണച്ച് സ്റ്റേജിനടുത്ത് കാറെത്തിച്ചാണ് സണ്ണി ലിയോണിനെ പുറത്തെത്തിച്ചത്.