മമ്മൂട്ടിയുടെ സഹോദരി ആമിന (നസീമ) അന്തരിച്ചു.. 70 വയസ് ആയിരുന്നു, ഖബറടക്കം ഇന്ന് രാവിലെ 10 ന് ചെമ്പ് ജുമാ മസ്ജിദ് ഖബര്സ്ഥാനില് നടക്കും
മമ്മൂട്ടിയുടെ സഹോദരി ആമിന (നസീമ) അന്തരിച്ചു. 70 വയസ് ആയിരുന്നു. കാഞ്ഞിരപ്പള്ളി പാറയ്ക്കല് പരേതനായ പി എം സലീമിന്റെ ഭാര്യയാണ്. കുറച്ച് നാളുകളായി ചികിത്സയില് ആയിരുന്നു.
മമ്മൂട്ടിയെ കൂടാതെ ഇബ്രാഹിംകുട്ടി, സക്കറിയ, സൌദ, ഷഫീന എന്നിവരാണ് സഹോദരങ്ങള്. മക്കള്: ജൂലി, ജൂബി, ജിതിന്. ഖബറടക്കം ചൊവ്വാഴ്ച രാവിലെ 10 ന് ചെമ്പ് ജുമാ മസ്ജിദ് ഖബര്സ്ഥാനില് നടക്കും. നിരവധി പേരാണ് സോഷ്യല് മീഡിയയിലൂടെ ആദരാഞ്ജലികള് അര്പ്പിക്കുന്നത്.
മമ്മൂട്ടിയുടെ മാതാവ് ഫാത്തിമ ഇസ്മായില് ഏപ്രില് മാസത്തില് വിടപറഞ്ഞിരുന്നു. വാര്ധക്യസഹജമായ അസുഖത്തെ തുടര്ന്ന് ചികിത്സയിലായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നുഅന്ത്യം. മാതാവ് മരിച്ച് 5 മാസം പിന്നിടുമ്പോഴാണ് മമ്മൂട്ടിയുടെ സഹോദരിയുടെ മരണവാര്ത്തയും പുറത്തുവരുന്നത്. അദ്ദേഹത്തിന്റെ ഇത് താങ്ങാനുള്ള ശക്തി ഉണ്ടാക്കണമേയെന്നാണ് ആരാധകര് പ്രാര്ത്ഥിക്കുന്നത്
അതേസമയം ഈ മാസം 7 നായിരുന്നു മമ്മൂട്ടിയുടെ ജന്മദിനം. എറണാകുളത്തെ വസതിക്കു മുന്നില് പതിവുപോലെ തടിച്ചുകൂടിയ ആരാധകര്ക്ക് അഭിവാദ്യം അര്പ്പിച്ചാണ് മെഗാ സ്റ്റാര് തന്റെ പിറന്നാള് ദിനത്തിന് തുടക്കമിട്ടത്. എന്നാല് അമ്മയുടെയും കോണ്ഗ്രസ് നേതാവ് ഉമ്മന് ചാണ്ടിയുടെയും വിയോഗത്തില് താരം ആഘോഷങ്ങള് ഒഴിവാക്കിയിരുന്നു.
പിറന്നാള് ആശംസകള് നേര്ന്ന പ്രേക്ഷകരുടെ സ്നേഹത്തിന് നന്ദി പറഞ്ഞ് മമ്മൂട്ടി കഴിഞ്ഞ ദിവസം എത്തിയിരുന്നു. തന്റെ പിറന്നാള് ഏറെ പ്രത്യേകതയുള്ളതാക്കിയ എല്ലാവര്ക്കും നന്ദി. സന്ദേശങ്ങള്, കോളുകള്, കാര്ഡുകള്, പ്രകടനങ്ങള്, വീഡിയോകള് എന്നിവയ്ക്കും വീട്ടിലേക്ക് നേരിട്ട് വന്നവര്ക്കും നന്ദി. ഓരോ വര്ഷവും പ്രേക്ഷകരുടെ സ്നേഹം കൂടുകയാണ് എന്നും മമ്മൂട്ടി സമൂഹ മാധ്യമങ്ങളില് കുറിച്ചു.
അതേസമയം, ഭ്രമയുഗം എന്ന ചിത്രത്തിലാണ് മമ്മൂട്ടി നിലവില് അഭിനയിച്ചു കൊണ്ടിരിക്കുന്നത്. ഹൊറര് ത്രല്ലര് ഗണത്തില്പ്പെടുന്ന ചിത്രം സംവിധാനം ചെയ്യുന്നത് രാഹുല് സദാശിവന് ആണ്. അദ്ദേഹം തന്നെയാണ് ചിത്രത്തിന്റെ രചനയും നിര്വഹിച്ചിരിക്കുന്നത്. അര്ജുന് അശോകന്, സിദ്ധാര്ഥ് ഭരതന്, അമാല്ഡ ലിസ് എന്നിവരാണ് മമ്മൂട്ടിക്കൊപ്പം പ്രധാനവേഷത്തില് എത്തുന്ന താരങ്ങള്. നിലവില് ചിത്രീകരണം പുരോഗമിക്കുന്ന സിനിമയുടെ ഫസ്റ്റ് ലുക്ക് ഇന്ന് പുറത്തുവിടും. മമ്മൂട്ടിയുടെ പിറന്നാളിനോട് അനുബന്ധിച്ചാണിത്.
കണ്ണൂര് സ്ക്വാഡ് എന്ന ചിത്രമാണ് താരത്തിന്റേതായി റിലീസിന് ഒരുങ്ങുന്നത്. റോബി വര്ഗീസ് രാജ് ആണ് സംവിധാനം. ചിത്രം സെപ്റ്റംബര് 28ന് റിലീസ് ചെയ്യുമെന്നാണ് വിവരം. എന്നാല് ഇക്കാര്യത്തില് ഔദ്യോഗിക വിശദീകരണങ്ങള് ഒന്നും തന്നെ വന്നിട്ടില്ല. കാതല്, ബസൂക്ക എന്നീ രണ്ട് ചിത്രങ്ങളും മമ്മൂട്ടിയുേതായി അണിയറയില് ഒരുങ്ങുന്നുണ്ട്.
https://www.facebook.com/Malayalivartha