സിനിമാ അഭിനയത്തിന് ഇടവേള നല്കി നടിയും ഡാന്സറുമായ സാനിയ ഇയ്യപ്പന്
ബാലതാരമായി സിനിമയിലെത്തി മലയാളത്തില് മാത്രമല്ല, തമിഴിലും തിളങ്ങിയ താരം കൂടിയാണ് സാനിയ ഇയ്യപ്പന്. ഇപ്പോള് സിനിമാ അഭിനയത്തിന് ഇടവേള നല്കിയിരിക്കുകയാണ് താരം. യുകെയിലെ ഫോര് ക്രിയേറ്റീവ് ആര്ട്സിലെ വിദ്യാര്ത്ഥിനിയാണ് ഇപ്പോള് സാനിയ ഇയ്യപ്പന്.
സെപ്റ്റംബറില് കോഴ്സ് ആരംഭിച്ചു. തെക്കന് ഇംഗ്ലണ്ടിലെ ഒരു ആര്ട്സ് ആന്ഡ് ഡിസൈന് യൂണിവേഴ്സിറ്റിയാണിത്. യൂണിവേഴ്സിറ്റി ഐഡി കാര്ഡ് പങ്കുവെച്ച് സാനിയ തന്നെയാണ് ഈ സന്തോഷ വാര്ത്ത പ്രേക്ഷകരെ അറിയിച്ചത്.
ലണ്ടനില് നിന്നുള്ള മനോഹരമായ ചിത്രങ്ങളും ഇതോടൊപ്പം പങ്കുവച്ചു. 2026 ജൂണ് വരെയാണ് കോഴ്സിന്റെ സമയം. അതുവരെ അഭിനയത്തിന് ഇടവേള നല്കിയിരിക്കുകയാണ് നടി. എന്നാല് ഒഴിവുസമയങ്ങളില് നടി സിനിമകളില് തുടരുമോയെന്നും വ്യക്തമല്ല. റിയാലിറ്റി ഷോയിലൂടെയാണ് നടി സാനിയ പ്രേക്ഷകരുടെ പ്രിയങ്കരിയായി മാറിയത്.
തുടര്ന്ന് നിരവധി സിനിമകളിലാണ് താരം വേഷമിട്ടത്. ബാല്യകാല സഖിയില് ബാലതാരമായാണ് നടി സിനിമാ ലോകത്തേക്ക് എത്തിയത്. മലയാളത്തില് മാത്രമല്ല, തമിഴിലും തിളങ്ങിയ താരം കൂടിയാണ് സാനിയ. സിനിമയും നൃത്തവും മാത്രമല്ല, മോഡലിംങ് രംഗത്തും പ്രശസ്തയാണ് നടി സാനിയ ഇയ്യപ്പന്.
https://www.facebook.com/Malayalivartha