കേരളത്തിലെ ആളുകള്ക്ക് ലൈംഗിക ദാരിദ്രമാണെന്നേ പറയാനുള്ളു... ഇവരോടൊന്നും മറുപടി പറയേണ്ടതില്ല; ഇതെന്റെ ജീവിതമാണെന്ന് ശ്രീലക്ഷ്മി സതീഷ്
ശ്രീലക്ഷ്മി സതീഷ് ഒരു മോഡലാണ്. സാരിയുടുത്ത് അതി സുന്ദരിയായി കാമറയും കയ്യില് പിടിച്ച് സോഷ്യല്മീഡിയയില് വൈറലായ ശ്രീലക്ഷ്മി സതീഷിന്റെ വിഡിയോ സംവിധായകന് രാം ഗോപാല് വര്മ സ്വന്തം എക്സ് അക്കൗണ്ടില് പോസ്റ്റ് ചെയ്തതോടെയാണ് ശ്രീലക്ഷ്മി വാര്ത്തകളില് ഇടംപിടിക്കുന്നത്. ശ്രീലക്ഷ്മിയെ രാം ഗോപാല് വര്മ സിനിമയിലേക്ക് ക്ഷണിക്കുകയും ചെയ്തിരുന്നു.
സാരിയില് താന് കംഫര്ട്ടാണ് പക്ഷേ ഗ്ലാമറസ് ആയി അഭിനയിക്കാന് താല്പര്യമില്ലെന്ന് അദ്ദേഹത്തെ അറിയിച്ചിരുന്നെന്ന് ശ്രീലക്ഷ്മി പറയുന്നു. ഒരു യുട്യൂബ് ചാനലിന് നല്കിയ അഭിമുഖത്തിലാണ് ശ്രീലക്ഷ്മിയുടെ വെളിപ്പെടുത്തല്. വിഡിയോ വൈറലായതോടെ നിരവധി ആളുകളാണ് വിഡിയോയ്ക്ക് കമന്റ് ചെയ്തത്.
അതില് പലതും വായിക്കാന് പോലും അറപ്പു തോന്നുന്ന തരത്തിലാണെന്നും ശ്രീലക്ഷ്മി പറഞ്ഞു. ചിലര് മോശം കമന്റിട്ടതിന് ശേഷം പേഴ്സണല് മെസേജില് പഞ്ചാരയടിക്കുന്നവരുമുണ്ട്. മോശം കമന്റുകള് ഇട്ടവരില് കൂടുതലും സ്ത്രീകളാണ്. കേരളത്തിലെ ആളുകള്ക്ക് ലൈംഗിക ദാരിദ്രമാണെന്നേ പറയാനുള്ളു എന്നും ശ്രീലക്ഷ്മി പറഞ്ഞു.
'എന്റെ ശരീരത്തില് ഞാന് കോണ്ഫിഡന്റ് ആണ്. അത് അങ്ങനെ തന്നെ ആയിരിക്കണമെന്നാണ് ആഗ്രഹം. സ്വന്തം പോസ്റ്റിനു താഴെയുള്ള കമന്റ് സെക്ഷന് ഓഫ് ചെയ്താലും മറ്റു പേജുകളിലും ആ ഫോട്ടോ വരാറുണ്ട്. ശ്രീലക്ഷ്മി ഇത്തരത്തിലുള്ളൊരു പെണ്കുട്ടിയാണെന്ന് അറിഞ്ഞില്ല എന്നൊക്കെയാണ് വിഡിയോ ഇടാന് തുടങ്ങിയതിന് ശേഷം ചില ബന്ധുക്കള് പറഞ്ഞത്. ഇവരോടൊന്നും മറുപടി പറയേണ്ടതില്ല. ഇതെന്റെ ജീവിതമാണ്. മോശം പറയുന്ന പലരും പല ജീവിത സാഹചര്യങ്ങളില് നിന്നു വന്നവരാണ്. അവരെ മാറ്റാന് നമുക്ക് പറ്റില്ല'-ശ്രീലക്ഷ്മി പറഞ്ഞു.
പ്ലസ്ടു വരെയും താന് തീരെ മെലിഞ്ഞ കുട്ടിയായിരുന്നുവെന്നും അന്ന് പല പേരുകള് വിളിച്ചും തന്നെ കളിയാക്കിയിരുന്നു. അന്നൊക്കെ ഒരുപാട് സങ്കടം തോന്നിയിരുന്നു. എന്നാല് ഇന്ന് തന്റെ ശരീരത്തില് വളരെ കോണ്ഫിഡന്റാണെന്നും ശ്രീലക്ഷ്മി പറഞ്ഞു.
https://www.facebook.com/Malayalivartha