കുഞ്ഞു അമീറയ്ക്ക് ലോകം കാണാന് സഹായവുമായി മമ്മൂട്ടിയുടെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന്
കാലാകാലങ്ങളായി നിരവധി ജീവകാരുണ്യപ്രവര്ത്തനങ്ങള്ക്ക് ചുക്കാന് പിടിക്കന്നതാണ് മമ്മൂട്ടിയുടെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന്. രോഗങ്ങളും ജീവിതാവസ്ഥകളും കൊണ്ട് വലയുന്ന പലര്ക്കും സഹായഹസ്തവുമായി മമ്മൂട്ടിയുടെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന് എത്താറുണ്ട്.
ഇപ്പോള് ആലപ്പുഴ പുന്നപ്രയിലെ അമീറ എന്ന അഞ്ചുവയസ്സുകാരിയുടെ ഇരുള് മൂടിയ ജീവിതത്തില് വെളിച്ചമായി മാറിയിരിക്കുകയാണ്. ജന്മനാ കാഴ്ച്ച ശക്തിയില്ലാതിരുന്ന അമീറയ്ക്ക് കണ്ണ് മാറ്റിവക്കല് ശസ്ത്രക്രിയ നടത്താന് മുന്കയ്യെടുത്തത് മമ്മൂട്ടിയുടെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന് എന്ന ജീവകാരുണ്യ സംഘടനയാണ്.
കാഴ്ചശക്തി തിരിച്ചുകിട്ടിയ കുഞ്ഞ് അമീറ ലോക കാഴ്ച്ച ദിനമായ ഒക്ടോബര് 12ന് തന്നെ ആശുപത്രി വിട്ടിറങ്ങുന്നു എന്നതാണ് മറ്റൊരു പ്രത്യേകത. അമീറയുടെ കാഴ്ച പ്രശ്നം അറിഞ്ഞ മമ്മൂട്ടി തന്റെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷനും അങ്കമാലി ലിറ്റില് ഫ്ളവര് ആശുപത്രിയുമായി സഹകരിച്ചു നടപ്പിലാക്കുന്ന കാഴ്ച്ച പദ്ധതിയിലേക്ക് അമീറയുടെ ചികിത്സ മാറ്റാന് നിര്ദ്ദേശിക്കുകയായിരുന്നു. അമീറയുടെ തുടര് ചികിത്സയ്ക്കുള്ള എല്ലാ കാര്യങ്ങളും മമ്മൂട്ടിയും കെയര് ആന്ഡ് ഷെയറും ഏറ്റെടുക്കുകയും ചെയ്തു.
അങ്കമാലി ലിറ്റില് ഫ്ളവര് ഹോസ്പിറ്റല് നേത്ര ബാങ്കിന്റെ സുവര്ണ ജൂബിലി പ്രമാണിച്ച് 50 കണ്ണ് മാറ്റിവയ്ക്കല് ശസ്ത്രക്രിയകള് സൗജന്യമായി നടത്തുവാന് മമ്മൂട്ടിയുടെ കെയര് ആന്ഡ് ഷെയര് ഇന്റര്നാഷണല് ഫൗണ്ടേഷനും ലിറ്റില് ഫ്ളവര് ഹോസ്പിറ്റലും തീരുമാനിച്ചിരുന്നു. ഇതിന്റെ ഭാഗമായി നടന്ന ആദ്യത്തെ കണ്ണ് മാറ്റിവക്കല് ശാസ്ത്രക്രിയയാണ് അമീറയുടേത്.
https://www.facebook.com/Malayalivartha