നയന്താരയുടെ സ്കിന് കെയര് ബ്രാന്ഡായ 9 സ്കിന്നിന് പിന്തുണയുമായി സാമന്ത
നടി നയന്താരയുടെ സ്കിന് കെയര് ബ്രാന്ഡായ '9 സ്കിന്' എന്ന സൗന്ദര്യവര്ദ്ധക ഉത്പ്പന്നങ്ങളാണ് സമൂഹമാദ്ധ്യമങ്ങളില് ശ്രദ്ധേയമാകുന്നത്. ഇപ്പോഴിതാ പ്രിയപ്പെട്ട കൂട്ടുകാരിയായ നയന്താരയ്ക്ക് പിന്തുണ നല്കി രംഗത്തുവന്നിരിക്കുകയാണ് നടി സാമന്ത റൂത്ത് പ്രഭു. 9 സ്കിന് സൗന്ദര്യവര്ദ്ധക ഉത്പ്പന്നങ്ങള് എല്ലാം തന്നെ കയ്യോടെ വാങ്ങിച്ചിരിക്കുകയാണ് താരം. ഇതിന്റെ ചിത്രം സാമന്ത തന്നെ പങ്കുവെയ്ക്കുകയയും ചെയ്തു. സാമന്തയ്ക്ക് നന്ദി പറഞ്ഞ് നയന്താര പങ്കുവെച്ച ഇന്സ്റ്റ സ്റ്റോറിയും വൈറലായിക്കഴിഞ്ഞു. നയന്താരയുടെ അടുത്ത കൂട്ടുകാരികളില് ഒരാളാണ് സാമന്ത.
വിഘ്നേഷ് ശിവന് സംവിധാനം ചെയ്ത 'കാത്തുവാക്കുള രണ്ട് കാതല്' എന്ന ചിത്രത്തിനിടയിലാണ് നയന്താര-സാമന്ത സൗഹൃദം ദൃഢമായത്. ഷൂട്ടിനിടെ സാമന്തയ്ക്ക് നയന്താര നല്കിയ മനോഹരമായൊരു സമ്മാനവും ആരാധകരുടെ ശ്രദ്ധ പിടിച്ചുപറ്റിയിരുന്നു. 'പ്രിയപ്പെട്ട ഖദീജയ്ക്ക്, കണ്മണി' എന്ന കുറിപ്പിനൊപ്പം മനോഹരമായൊരു കമ്മലാണ് അന്ന് നയന്താര സാമന്തയ്ക്ക് നല്കിയത്. കൂടാതെ നയന്താരയുമായുള്ള തന്റെ സൗഹൃദത്തെക്കുറിച്ച് സാമന്തയും സോഷ്യന്മീഡിയയില് കുറിപ്പ് പങ്കുവെച്ചിരുന്നു. 'തങ്ങളുടെ സൗഹൃദം വളരെ സ്പെഷ്യലാണ്. അവള് സോഷ്യല് മീഡിയയിലില്ല, പക്ഷേ അവള് അവളുടെ സ്നേഹം നല്കും,'-എന്നായിരുന്നു സാമന്ത കുറിച്ചത്.
അടുത്തിടെയാണ് നയന്താരയുടെ '9 സ്കിന്' എന്ന സൗന്ദര്യവര്ദ്ധക ഉത്പ്പന്നങ്ങള് ലോഞ്ച് ചെയ്തത്. അഞ്ച് ഉത്പന്നങ്ങളാണ് 9 സ്കിന് ലോഞ്ച് ചെയ്ത് വില്പ്പന ആരംഭിച്ചത്. ഇതിന്റെ മാര്ക്കറ്റിംഗുമായി ബന്ധപ്പെട്ട തിരക്കിലാണ് നയന്താരയും. ഓണ്ലൈനിലും 9 സ്കിന് ഉത്പ്പന്നങ്ങള് എത്തിച്ചിട്ടുണ്ട്.
ജവാന്റെ റിലീസിനും 9 സ്കിന് ഉത്പ്പന്നങ്ങളുടെ ലോഞ്ചുമായി ബന്ധപ്പെട്ടാണ് നയന്താര ഇന്സ്റ്റഗ്രാമില് അക്കൗണ്ട് ആരംഭിച്ചത്. തന്റെയും വിഘ്നേഷിന്റെയും ആറ് വര്ഷത്തെ പരിശ്രമഫലമാണ് 9 സ്കിന് എന്നും പ്രകൃതിദത്തമായ വസ്തുക്കളും ആധുനിക ശാസ്ത്രവും നാനോയുടെ പിന്തുണയുള്ള സമവാക്യങ്ങളും ഉപയോഗിച്ചാണ് തങ്ങളുടെ ഓരോ ഉത്പന്നങ്ങളും നിര്മ്മിച്ചിരിക്കുന്നതെന്നും പ്രമോഷന് സമയത്തും പ്രൊഡക്ട് ലോഞ്ചിംഗ് സമയത്തും നയന്താര പറഞ്ഞിരുന്നു.
https://www.facebook.com/Malayalivartha