'പിറന്നാള് ആശംസകള് 'വരദരാജ മന്നര്' ദ കിംഗ് പൃഥ്വിരാജ്'... 'സലാര്' സിനിമയിലെ അണിയറ പ്രവര്ത്തകര്
മലയാളത്തിന്റെ പ്രിയ നടന് പൃഥ്വിരാജിന്റെ പിറന്നാളാണ് ഇന്ന്. ആശംസകളുമായി 'സലാര്' സിനിമയിലെ അണിയറ പ്രവര്ത്തകര്. 'പിറന്നാള് ആശംസകള് 'വരദരാജ മന്നര്' ദ കിംഗ് പൃഥ്വിരാജ്'- എന്ന അടിക്കുറിപ്പും പോസ്റ്ററിന് നല്കിയിട്ടുണ്ട്. കെ ജി എഫ്, കാന്താര എന്നീ സുപ്പര് ഹിറ്റ് ചിത്രങ്ങള്ക്ക് ശേഷം ഹോംബാലെ ഫിലിംസിന്റെ ബാനറില് വിജയ് കിരണ്ടൂര് നിര്മ്മിക്കുന്ന സലാറില് പ്രഭാസാണ് നായകന്. പ്രശാന്ത് നീല് ആണ് ചിത്രം സംവിധാനം ചെയ്യുന്നത്. ആക്ഷന് ത്രില്ലര് വിഭാഗത്തില് പെടുന്ന ചിത്രത്തില് പൃഥ്വിരാജ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ശ്രുതി ഹാസന്, ജഗപതി ബാബു, മധു ഗുരുസ്വാമി, ഈശ്വരി റാവു, ശ്രിയ റെഡ്ഡി തുടങ്ങിയവരാണ് ചിത്രത്തില് മറ്റു കഥാപാത്രങ്ങളെ അവതരിപ്പിക്കുന്നത്. പ്രശാന്ത് നീലിന്റേത് തന്നെയാണ് തിരക്കഥയും. ഛായാഗ്രഹണം ഭുവന് ഗൗഡ, എഡിറ്റിംഗ് ഉജ്വല് കുല്ക്കര്ണി, സംഗീതം രവി ബസ്രൂര്, ഈ വര്ഷം ഡിസംബര് 22ന് ആണ് റിലീസ് തീയതി പ്രഖ്യാപിച്ചിരിക്കുന്നത്. ഇതിനോടകം തന്നെ പുറത്തിറങ്ങിയ സലാറിന്റെ ടീസര് ഏറെ ചര്ച്ചയായിരുന്നു. കെജിഎഫ് പോലെ ഒരു മാസ് ആക്ഷന് പടമാണ് 'സലാര്' എന്ന സൂചനയാണ് ചിത്രത്തിന്റെ ടീസര് നല്കുന്നത്. തെലുങ്ക്, കന്നഡ, മലയാളം, തമിഴ്, ഹിന്ദി ഭാഷകളിലായാണ് റിലീസ്. അതേസമയം റിലീസിന് മുന്പേ ഒ.ടി.ടി സ്ട്രീമിംഗ് നെറ്റ് ഫ്ളിക്സ് സ്വന്തമാക്കിയിരുന്നു.
https://www.facebook.com/Malayalivartha