ചലച്ചിത്ര താരം കുണ്ടറ ജോണി അന്തരിച്ചു... ഹൃദയാഘാതത്തെ തുടര്‍ന്നാണ് കൊല്ലത്തെ സ്വകാര്യ ആശുപത്രിയിലായിരുന്നു അന്ത്യം
പ്രശസ്ത ചലച്ചിത്ര താരം കുണ്ടറ ജോണി(71) അന്തരിച്ചു. ഹൃദയാഘാതത്തെ തുടര്‍ന്നാണ് കൊല്ലത്തെ സ്വകാര്യ ആശുപത്രിയിലായിരുന്നു അന്ത്യം. മലയാള സിനിമയില്‍ 80കളിലും 90കളിലും നിരവധി വില്ലന്‍ വേഷങ്ങളിലൂടെ ശ്രദ്ധ നേടിയ നടനായിരുന്നു അദ്ദേഹം.
1979ല്‍ നിത്യവസന്തം എന്ന ചിത്രത്തിലൂടെയാണ് വെള്ളിത്തിരയിലെത്തിയത്. പിന്നീട് കഴുകന്‍,കരിമ്പന, കിരീടം, ചെങ്കോല്‍,രാജാവിന്റെ മകന്‍,അരം+അരം കിന്നരം, സ്ഫടികം,ആവനാഴി, ഗോഡ് ഫാദര്‍,ആറാം തമ്പുരാന്‍ എന്നിങ്ങനെ നിരവധി ചിത്രങ്ങളില്‍ വില്ലന്‍ വേഷത്തിലും സഹനടനായും തിളങ്ങിയ കുണ്ടറ ജോണി അവസാനമായി അഭിനയിച്ചത് ഉണ്ണി മുകുന്ദന്‍ നായകനായ മേപ്പടിയാനിലായിരുന്നു.
നൂറിലധികം ചിത്രങ്ങളില്‍ കിരീടത്തിലെ പരമേശ്വരന്‍ എന്ന കഥാപാത്രം ഏറെ ശ്രദ്ധ നേടി. മലയാളത്തിന് പുറമേ തമിഴിലും ,കന്നട, തെലുങ്ക് ഭാഷകളിലും ജോണി അഭിനയിച്ചിട്ടുണ്ട്. വാഴ്കൈ ചക്രം, നടികന്‍ എന്നിവയാണ് തമിഴ് ചിത്രങ്ങള്‍. ഡോക്ടര്‍ സ്റ്റെല്ലയാണ് ഭാര്യ. കൊല്ലം കുണ്ടറയില്‍ ജനിച്ച ജോണിയുടെ പിതാവ് ജോസഫ്, മാതാവ് കാതറിന്‍. കൊല്ലത്ത് ശ്രീനാരായണ കോളേജിലും ഫാത്തിമ മാതാ കോളേജിലുമായിരുന്നു വിദ്യാഭ്യാസം. പഠനകാലത്ത് ഫുട്‌ബോള്‍ ജില്ലാ ടീമിന്റെ ക്യാപ്റ്റനായിരുന്നു കുണ്ടറ ജോണി.
https://www.facebook.com/Malayalivartha
