വിമര്ശിക്കുന്നവര് താന് പറയുന്നത് കേള്ക്കണമെന്ന് ഒരു നിര്ബന്ധവുമില്ല... വിമര്ശനങ്ങള്ക്ക് മറുപടിയുമായി ലെന
മിനിസ്ക്രീനിലൂടെ ബിഗ് സ്ക്രീനിലെത്തി പ്രേക്ഷകരുടെ പ്രിയങ്കരിയായിമാറിയ താരമാണ് ലെന. അടുത്തിടെ ലെനയുടെ ഒരു അഭിമുഖം സോഷ്യല് മീഡിയയില് വൈറലായിരുന്നു. തന്റെ പൂര്വ ജന്മത്തെ കുറിച്ച് ഓര്മയുണ്ടെന്നും അന്ന് താനൊരു ബുദ്ധ സന്യാസി ആയിരുന്നുവെന്നും പറയുന്ന ലെനയുടെ വീഡിയോയായിരുന്നു ഇത്. ലെനയുടെ ഈ വാദങ്ങള് സോഷ്യല് മീഡിയയില് വലിയ ചര്ച്ചകള്ക്ക് വഴിവെച്ചിരുന്നു. ആശാസ്ത്രീയമായ കാര്യങ്ങളാണ് ലെന പറയുന്നതെന്ന വിമര്ശനം ഉയര്ന്നു. ഇപ്പോഴിതാ ഇത്തരം വിമര്ശനങ്ങള്ക്ക് മറുപടി നല്കുകയാണ് ലെന. വിമര്ശിക്കുന്നവര് താന് പറയുന്നത് കേള്ക്കണമെന്ന് ഒരു നിര്ബന്ധവുമില്ല എന്നാണ് ലെന പറയുന്നത്.
ലെനയുടെ വാക്കുകള് ഇങ്ങനെ...
'ഞാന് പറയുന്ന കാര്യങ്ങള് ഒന്നും രാഷ്ട്രീയപരവുമല്ല മതപരവുമല്ല. ഒരു മതത്തെയും പിന്തുടരാത്ത ഒരാളാണ് ഞാന്. എന്നാല് എല്ലാ മതക്കാരും എന്റെ ഫാമിലിയില് തന്നെയുണ്ട്. എല്ലാ മതങ്ങളുടെയും മതക്കാരുടെയും സൗഹാര്ദം കണ്ട് വളര്ന്ന ഒരാളാണ് ഞാന്. അതുകൊണ്ടാണ് എനിക്ക് വീണ്ടും ഈ കാര്യത്തെക്കുറിച്ച് കൂടുതല് കൗതുകം തോന്നിയത്. എന്തിനാണ് പല മതങ്ങള്, എല്ലാം ഒന്നിലേക്ക് തന്നെയല്ലേ എത്തുന്നതെന്ന ചിന്തയില് നിന്നാണ് എന്റെ ഈ അന്വേഷണം.
മുന് ജന്മത്തെ കുറിച്ച് പറയുമ്പോള്, ആദ്യം നമുക്കൊരു ഐഫോണ് 5 ഉണ്ടായിരുന്നു, അന്ന് നമ്മള് അതിലെ ഫോട്ടോസ് സ്റ്റോര് ചെയ്യാന് ഒരു ഐ ക്ലൗഡ് ആരംഭിച്ചു. കാലങ്ങള്ക്കിപ്പുറം ഐ ഫോണ് 15 ല് എത്തി നില്ക്കുമ്പോള് ആ ക്ലൗഡ് സ്റ്റോറേജ് തന്നെയാണ് നമ്മള് ഉപയോഗിക്കുക. ഒരു പുതിയ ഫോണ് ആണെന്ന് കരുതി എല്ലാം ആദ്യം മുതല് തുടങ്ങേണ്ട ആവശ്യമില്ല. അതിനുള്ളിലെ സാധനങ്ങള് വികസിച്ചു കൊണ്ടേയിരിക്കും. ഈ ഫോണുകളാണ് നമ്മുടെ ശരീരങ്ങള്, ഈയൊരു കണക്ഷനാണ് അതിനെ ഒരേ ഫോണുകള് ആകുന്നത്.
അങ്ങനെയാണ് മുന് ജന്മവും. മനസിന് ശരീരവുമായി ഒരു ബന്ധവുമില്ല. അതുകൊണ്ട് തന്നെ നമുക്കെല്ലാവര്ക്കും ഒരു കഴിഞ്ഞക്കാല ജീവിതമുണ്ട്. കഴിഞ്ഞ ജന്മത്തില് ഞാനൊരു ബുദ്ധ സന്യാസിയായിരുന്നു. 63 വയസ്സ് വരെ ജീവിച്ചിരുന്നു. എന്നെ വിമര്ശിക്കുന്നവര് ഞാന് പറയുന്നത് കേള്ക്കണമെന്ന് എനിക്ക് ഒരു നിര്ബദ്ധവുമില്ല. അവരിത് മറന്ന് അവര്ക്ക് ഇഷ്ടമുള്ളത് ചെയ്യട്ടെ, ഞാന് ആരുടേയും വീട്ടില് അതിക്രമിച്ച് കയറിയിട്ടല്ലല്ലോ ഇതൊക്ക പറയുന്നത്' ലെന പറഞ്ഞു.
https://www.facebook.com/Malayalivartha