സംവിധായകനും ഛായാഗ്രഹനുമായ സംഗീത് ശിവന്‍ അന്തരിച്ചു. 65 വയസ്സായിരുന്നു അദ്ദേഹത്തിന്. മുംബൈയില്‍ വച്ചാണ് മരണം സംഭവിച്ചത്. മുംബൈയില്‍ ഒരു സ്വകാര്യ ആശുപത്രിയില്‍ ചികിത്സയിലായിരുന്നു സംഗീത് ശിവന്‍.

പ്രമുഖ സ്റ്റില്‍ ഫോട്ടോഗ്രാഫറും ഛായാഗ്രാഹകനുമായ ശിവന്റെ മകനായി 1959 ലാണ് സംഗീത് ശിവന്‍ ജനിച്ചത്. എംജി കോളേജ്, മാര്‍ ഇവാനിയോസ് കോളേജിലുകളുമായി പ്രീഡിഗ്രിയും ബി.കോം ബിരുദവും കരസ്ഥമാക്കിയ ശേഷം പിതാവിനൊപ്പം ഡോക്യുമെന്ററികളിലും മറ്റും ഭാഗമായാണ് ഇദ്ദേഹം സിനിമ രംഗത്തേക്ക് കടന്നുവന്നത്.

യോദ്ധ, ഗാന്ധര്‍വം എന്നീ ചിത്രങ്ങളിലൂടെ പ്രേക്ഷക പ്രശംസ പിടിച്ചു പറ്റിയ അദ്ദേഹം 1990-ല്‍ പുറത്തിറങ്ങിയയ വ്യൂഹം എന്ന ചിത്രത്തിലൂടെയാണ് സംവിധാന രംഗത്തേയ്ക്ക് എത്തുന്നത്. തുടര്‍ന്ന് പ്രൊഡ്യൂസറായും സംഗീത് ശിവന്‍ മലയാളത്തിലേയ്‌ക്കെത്തി. ഛായാഗ്രാഹകനും സംവിധായകനുമായ സന്തോഷ് ശിവന്‍ സഹോദരനാണ്.

മലാളത്തില്‍ അടുത്ത കാലത്ത് പുറത്തിറങ്ങിയ രോമാഞ്ചം എന്ന സിനിമ ഹിന്ദിയിലേയ്ക്ക് റീമേയ്ക്ക് ചെയ്യുന്നതിനിടെയാണ് പെട്ടെന്നുള്ള വിയോഗം. ചിത്രത്തിന്റെ മോഷന്‍ പോസ്റ്ററുകള്‍ അടക്കം പുറത്തിറങ്ങിയിരുന്നു. അടുത്തമാസത്തോടചെ ചിത്രം പുറത്തിറക്കാനാകുമെന്ന പ്രതീക്ഷയിലായിരുന്നു അണിയറ പ്രവര്‍ത്തകര്‍. ഹിന്ദിയില്‍ എട്ടോളം ചിത്രങ്ങള്‍ അദ്ദേഹം സംവിധാനം ചെയ്തിട്ടുമുണ്ട്.