സല്‍മാന്‍ ഖാന്റെ വസതിക്ക് നേരെയുണ്ടായ വെടിവെപ്പുമായി ബന്ധപ്പെട്ട് ഗുണ്ടാനേതാവ് രോഹിത് ഗോദാരയ്ക്കെതിരെ കേസെടുത്ത് മുംബൈ ക്രൈംബ്രാഞ്ച് .

ഏപ്രില്‍ 14 നാണ് ബാന്ദ്ര ഏരിയയിലെ സല്‍മാന്‍ ഖാന്റെ വസതിക്ക് നേരെ വെടിവയ്പ്പ് നടന്നത്. ഇതിന് പിന്നാലെ സംഭവത്തിന്റെ ഉത്തരവാദിത്വം ഏറ്റെടുത്ത് ലോറന്‍സ് ബിഷ്ണോയി സംഘം രംഗത്ത് വന്നിട്ടുണ്ടായിരുന്നു. കേസില്‍ ഇതുവരെ ആറ് പ്രതികളെ മുംബൈ ക്രൈംബ്രാഞ്ച് അറസ്റ്റ് ചെയ്തിട്ടുണ്ട്, നാല് പ്രതികള്‍ ഒളിവിലാണെന്നും തിരച്ചില്‍ തുടരുകയാണെന്നും പൊലീസ് .

ആറാം പ്രതി ഹര്‍പാല്‍ സിംഗ് (37) തിങ്കളാഴ്ച വൈകിട്ട് ഹരിയാനയിലെ ഫത്തേഹാബാദില്‍ നിന്നാണ് അറസ്റ്റിലായത്. മറ്റൊരു പ്രതിയായ മുഹമ്മദ് റഫീഖ് ചൗധരിയെ ചോദ്യം ചെയ്തപ്പോഴാണ് ഹര്‍പാല്‍ സിംഗിനെ പറ്റിയുള്ള വിവരങ്ങള്‍ ലഭ്യമായത്.