ആ ചിരി മനസ്സില്‍ നിന്നും മായാതെ.... ഹാസ്യതാരം കൊല്ലം സുധിയുടെ ഓര്‍മകള്‍ക്ക് ഒരു വയസ്....
ആ ചിരി മനസ്സില്‍ നിന്നും മായാതെ.... ഹാസ്യതാരം കൊല്ലം സുധിയുടെ ഓര്‍മകള്‍ക്ക് ഒരു വയസ്. കൊടുങ്ങല്ലുരിനടുത്ത് കയ്പമംഗലത്ത് നടന്ന വാഹനാപകടം സുധിയുടെ ജീവന്‍ കവരുകയായിരുന്നു. കോഴിക്കോട്ടെ ട്വന്റിഫോര്‍ കണട്ക്ട് പരിപാടിയില്‍ പങ്കെടുത്ത് മടങ്ങുമ്പോള്‍ കഴിഞ്ഞ വര്‍ഷം ഈ ദിവസമായിരുന്നു കൊല്ലം സുധിയുടെ ജീവന്‍ കവര്‍ന്ന വാഹനാപകടം സംഭവിച്ചത്.
സിനിമകളിലും, ടെലിവിഷന്‍, സ്റ്റേജ് ഷോകളിലുമായി നിറഞ്ഞു നിന്ന കലാജീവിതമായിരുന്നു സുധിയുടേത്. നിമിഷ നേരം കൊണ്ട് വേദികളില്‍ ചിരിയുടെ പൂക്കാലം തീര്‍ത്ത അതുല്യ പ്രതിഭയായിരുന്നു. കൃത്രിമ സംഭാഷണങ്ങളുടെ മേമ്പൊടികള്‍ ആവശ്യമില്ലായിരുന്നു സുധിക്ക്. ഉരുളയ്ക്ക് ഉപ്പേരി പോലുള്ള കൗണ്ടറുകള്‍ കൊല്ലം സുധിയെ പ്രേക്ഷകരുടെ പ്രിയങ്കരനാക്കി മാറ്റിയിരുന്നു.
കഥാപാത്രങ്ങളില്‍ ഹാസ്യത്തെ അത്രത്തോളം സന്നിവേശിപ്പിച്ച പ്രതിഭയായിരുന്നു സുധി. സ്റ്റേജ് ഷോകളിലൂടെ കലാരംഗത്തെത്തിയ സുധി, ചുരുങ്ങിയ കാലം കൊണ്ട് ഒട്ടേറെ സിനിമകളിലും നര്‍മ്മത്തിന്റെ പകര്‍ന്നാട്ടം നടത്തി. കലാ ലോകത്ത് ഏറെ ദൂരം താണ്ടാന്‍ ഉണ്ടായിരുന്നു സുധിയുടെ അപ്രതീക്ഷിത വിയോഗം ഇന്നും ആര്‍ക്കും ഉള്‍ക്കൊള്ളാനാകുന്നില്ല.
https://www.facebook.com/Malayalivartha
