നടി ലിസിയുമായുള്ള വിവാഹ മോചനത്തിന് പിന്നാലെ  മറ്റൊരു വിവാഹത്തിനൊരുങ്ങി  സംവിധായകൻ പ്രിയദർശൻ? നടിയും മോഡലുമായ കവിത പങ്കുവെച്ച പോസ്റ്റാണ് സംശയങ്ങൾക്ക് ആധാരം. പ്രിയദർശന്റെ എക്കാലത്തെയും സൂപ്പർഹിറ്റ് ചിത്രങ്ങളിലൊന്നായിരുന്നു മോഹൻലാൽ-ശോഭന എന്നിവർ പ്രധാന വേഷത്തിലെത്തിയ തേന്മാവിൻ കൊമ്പത്ത്.

ഇതിലെ മാനം തെളിഞ്ഞേ നിന്നാൽ മനസും നിറഞ്ഞേ  വന്നാൽ വേണം കല്യാണം എന്ന ഗാനത്തിനൊപ്പമായിരുന്നു കവിത പ്രിയദർശനൊപ്പമുള്ള ചിത്രം പങ്കുവെച്ചത്. ഇതിന് പിന്നാലെയാണ് രണ്ടാം കല്യാണമാണോ എന്ന സംശയം ശക്തമായത്.

ചിത്രത്തിന് അടിക്കുറിപ്പായി എല്ലാ ബഹുമാനത്തോടും കൂടി ഇത് ജോലിയെക്കുറിച്ചാണ്! എന്റെ പുഞ്ചിരി എല്ലാം പറയുന്നു. ഇനിയും ഇത് വെളിപ്പെടുത്താതിരിക്കാൻ ആകില്ല, ജീവിക്കുന്ന ഇതിഹാസത്തോടൊപ്പം എന്നായിരുന്നു കവിതയുടെ കുറിപ്പ്.

ദീർഘകാലത്തെ ദാമ്പത്യ ജീവിതത്തിന് ശേഷമായിരുന്നു പ്രിയദർശനും ലിസിയും  പിരിഞ്ഞത്. ലിസിയുമായി പിരിഞ്ഞതും അതിന് ശേഷമുള്ള തന്റെ വിഷാദ രോഗത്തെ കുറിച്ച് പറഞ്ഞും പ്രിയദർശൻ രംഗത്തെത്തിയിരുന്നു.