ടെലിവിഷന്‍ കോമഡി രംഗത്തെ പ്രിയപ്പെട്ട താരമായ ഉല്ലാസ് പന്തളം വിവാഹിതനായി. തന്റെ കൗണ്ടറുകള്‍ കൊണ്ടും വ്യത്യസ്തമായ ശരീരഭാഷകൊണ്ടും നടന് ആരാധകരും ഏറെയാണ്. അരീക്കോട് പഞ്ചായത്ത് പ്രസിഡന്റ് ദിവ്യയാണ് വധു. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങില്‍ പങ്കെടുത്തത്.

ഉല്ലാസിന്റെ രണ്ടാം വിവാഹമാണ്. ആദ്യ വിവാഹത്തില്‍ ഉല്ലാസിനു രണ്ട് ആണ്‍മക്കളുണ്ട്. ഇന്ദുജിത്തും സൂര്യജിത്തും. വിവാഹത്തിന് പിന്നാലെ സോഷ്യല്‍ മീഡിയയില്‍ പല തരത്തിലുള്ള ചര്‍ച്ചകളാണ് നടക്കുന്നത്. ഭാര്യ മരിച്ചിട്ട് അധികകാലം ആയില്ലല്ലോ, കുറച്ച് കൂടെ കാത്തിരിക്കാമായിരുന്നു എന്ന് അഭിപ്രായമുള്ളവരുണ്ട്.

അതേ സമയം ഉല്ലാസ് പന്തളത്തിന്റെ സാഹചര്യം നിങ്ങള്‍ക്കറിയില്ലല്ലോ, അദ്ദേഹത്തിന് ഒരു കൂട്ട് വേണമെന്ന് തോന്നിയപ്പോള്‍ വീണ്ടും വിവാഹം കഴിച്ചതില്‍ എന്താണ് തെറ്റ് എന്ന നിലകളിലൊക്കെയാണ് ചര്‍ച്ചകള്‍ പോകുന്നത്.