മനമുരുകി പ്രാര്‍ഥിച്ച എല്ലാവരുടേയും ഹൃദയങ്ങളില്‍ അര്ജുന് നൊമ്പരമായി മാറിയെന്ന് മോഹന്‍ലാല്‍...
മനമുരുകി പ്രാര്‍ഥിച്ച എല്ലാവരുടേയും ഹൃദയങ്ങളില്‍ അര്ജുന് നൊമ്പരമായി മാറിയെന്ന് മോഹന്‍ലാല്‍...കര്‍ണാടകയിലെ ഷിരൂരില്‍ മണ്ണിടിച്ചിലില്‍ കാണാതായ ട്രക്ക് ഡ്രൈവര്‍ അര്‍ജുന്റെ മൃതദേഹം ഗംഗാവലി പുഴയില്‍ നിന്നും കണ്ടെടുത്തിരുന്നു. ഇതിനു പിന്നാലെ അര്‍ജുന്റെ മരണത്തില്‍ അനുശോചനവുമായി നടന്‍ മോഹന്‍ ലാല്‍.
മനമുരുകി പ്രാര്‍ഥിച്ച എല്ലാവരുടേയും ഹൃദയങ്ങളില്‍ അര്ജുന് നൊമ്പരമായി മാറിയെന്ന് മോഹന്‍ലാല്‍ ഫെയ്‌സ്ബുക്കില്‍ കുറിച്ചു.നേരത്തെ അര്ജുന് ആദരാഞ്ജലി അര്‍പ്പിച്ച് നടന്‍ മമ്മൂട്ടിയും നടി മഞ്ജു വാര്യരും രംഗത്തു വന്നിരുന്നു. 72 ദിവസം പ്രതീക്ഷയുടെ ഒരു കണം ബാക്കി വച്ച് കാത്തിരുന്നു , നമ്മളും നമ്മളെക്കാള്‍ അര്‍ജുന്റെ കുടുംബവും...ഒടുവില്‍ ഇന്ന് വിട പറയേണ്ടി വന്നു..ആദരാഞ്ജലികള്‍ അര്ജുന്.- മമ്മൂട്ടി കുറിച്ചു.
ജൂലായ് 16-ന് രാവിലെ കര്‍ണാടക-ഗോവ അതിര്‍ത്തിയിലൂടെ കടന്നുപോകുന്ന പന്‍വേല്‍-കന്യാകുമാരി ദേശീയ പാതയിലായിരുന്നു മണ്ണിടിച്ചിലുണ്ടായി അര്‍ജുന്റെ ലോറി അപകടത്തില്‍പ്പെട്ടത്. ബെലഗാവിയിലെ രാംനഗറിലുള്ള ഡിപ്പോയില്‍നിന്ന് അക്കേഷ്യ മരത്തടി കയറ്റി എടവണ്ണയിലേക്കുള്ള മടക്കയാത്രയ്ക്കിടെയാണ് അര്ജുന് അപകടത്തില്‍പ്പെട്ടത്. 72 ദിവസത്തിനുശേഷമാണ് പുഴയില്‍ നിന്നും ലോറിയും അര്‍ജുന്റെ മൃതദേഹവും കണ്ടെത്തിയത്.
"
https://www.facebook.com/Malayalivartha
