പൃഥ്വിരാജ് സംവിധാനംചെയ്ത് മോഹൻലാൽ നായകനാവുന്ന ചിത്രമാണ് എമ്പുരാൻ. ചിത്രത്തിൽ പൃഥ്വിയുടെ കാരക്റ്റർ പോസ്റ്ററാണ് ഇപ്പോൾ പുറത്തുവന്നിരിക്കുന്നത്. ലൂസിഫർ എന്ന ചിത്രത്തിൽ സയിദ് മസൂദ് എന്ന കഥാപാത്രത്തെയാണ് പൃഥ്വിരാജ് അവതരിപ്പിച്ചത്. ഈ വേഷത്തിൽ പൃഥ്വിരാജ് എമ്പുരാനിലുമുണ്ടാവും. മസൂദിനെ അവതരിപ്പിച്ചുകൊണ്ടുള്ള പോസ്റ്റർ മോഹൻലാൽ പുറത്തിറക്കി. പൃഥ്വിരാജിന്റെ ജന്മദിനത്തോടനുബന്ധിച്ചാണ് പോസ്റ്റർ ഇറക്കിയിരിക്കുന്നത്. ‘ദൈവത്താൽ ഉപേക്ഷിക്കപ്പെട്ടു… ചെകുത്താൻ വളർത്തി’ എന്നാണ് കഥാപാത്രത്തിന് പോസ്റ്ററിൽ നൽകിയിരിക്കുന്ന വിശേഷണം. പോസ്റ്റർ പങ്കുവെച്ചുകൊണ്ട് മോഹൻലാൽ കുറിച്ചതും ഇതേ വരികളാണ്. മുരളി ഗോപിയുടേതാണ് തിരക്കഥ. മഞ്ജു വാര്യർ, ടൊവിനോ തോമസ്, സുരാജ് വെഞ്ഞാറമ്മൂട്, ഷൈൻ ടോം ചാക്കോ തുടങ്ങിയവരാണ് മറ്റു പ്രധാന താരങ്ങൾ.