സിനിമയ്ക്ക് പ്രദര്ശനാനുമതി ലഭിക്കാന് ഏകദേശം 13 മാറ്റങ്ങൾ!! കങ്കണ റണൗത് സംവിധാനം ചെയ്ത ‘എമര്ജന്സി’ക്ക് സെന്സര് ബോര്ഡിന്റെ അനുമതി ലഭിച്ചു
കങ്കണ റണൗത് സംവിധാനം ചെയ്ത ‘എമര്ജന്സി’ക്ക് സെന്സര് ബോര്ഡിന്റെ അനുമതി ലഭിച്ചു. സിനിമയ്ക്ക് പ്രദര്ശനാനുമതി ലഭിക്കാന് ഏകദേശം 13 മാറ്റങ്ങളാണ് ബോര്ഡ് നിര്ദേശിച്ചത്. ഈ മാറ്റങ്ങള് വരുത്തിയ ശേഷം സിനിമ തീയേറ്ററുകളിലെത്താന് അനുമതി നല്കാമെന്ന് നിര്മാതാക്കളോട് പുനഃപരിശോധനാ കമ്മറ്റി നേരത്തെ അറിയിച്ചിരുന്നു. ചിത്രത്തിന് സെന്സര് സര്ട്ടിഫിക്കറ്റ് ലഭിച്ചതായി കങ്കണ വ്യാഴാഴ്ചയാണ് എക്സ് പോസ്റ്റിലൂടെ അറിയിച്ചു. സിനിമയുടെ റിലീസ് തീയതി വൈകാതെ പ്രഖ്യാപിക്കുമെന്നും പോസ്റ്റില് സൂചിപ്പിച്ചിട്ടുണ്ട് .സിനിമയ്ക്കായി ക്ഷമയോടെ കാത്തിരുന്ന എല്ലാ ആരാധകര്ക്കും അഭ്യുദയകാംക്ഷികള്ക്കും താരം പോസ്റ്റിലൂടെ നന്ദി അറിയിച്ചു. സെന്സര് ബോര്ഡിന്റെ പുനഃപരിശോധനാ കമ്മിറ്റിയുടെ നിര്ദേശങ്ങള് പാലിച്ച് സിനിമയില് വേണ്ട മാറ്റങ്ങള് വരുത്താന് തയ്യാറാണെന്ന് നിര്മാണക്കമ്പനിയായ സീ സ്റ്റുഡിയോസ് ബോംബെ ഹൈക്കോടതിയെ അറിയിച്ചതിന് പിന്നാലെയാണ് സെന്സര് ബോര്ഡിന്റെ തീരുമാനമെന്നാണ് റിപോർട്ടുകൾ സൂചിപ്പിക്കുന്നത്.
https://www.facebook.com/Malayalivartha