സീറോ ബാബു എന്ന പിന്നണി ഗായകന്‍ കെ. ജെ. മുഹമ്മദ് ബാബു വിടവാങ്ങിയിട്ട് നാല് വര്‍ഷം...
സീറോ ബാബു എന്ന പിന്നണി ഗായകന്‍ കെ. ജെ. മുഹമ്മദ് ബാബു വിടവാങ്ങിയിട്ട് നാല് വര്‍ഷം. കൊച്ചിയുടെ പ്രിയ ഗായകരില്‍ ഒരാളായിരുന്നു അദ്ദേഹം. സംഗീതവും അഭിനയവും ഒരു പോലെ ജീവിതത്തിന്റെ ഭാഗമാക്കി മാറ്റിയ ബാബുവിന് നാട്ടുകാര്‍ സീറോ എന്നു പേരിട്ടെങ്കിലും സംഗീത പ്രേമികള്‍ക്കിടയില്‍ ബാബു ഹീറോ തന്നെയായിരുന്നു.
ഓപ്പണ്‍ സീറോ വന്നു കഴിഞ്ഞാല്‍ വാങ്ങും ഞാന്‍ ഒരു മോട്ടോര്‍ കാര്‍ എന്ന പ്രശസ്തമായ പാട്ടാണ് മുഹമ്മദ് ബാബുവിനെ സീറോ ബാബു ആക്കിയത്. പി.ജെ. ആന്റണിയുടെ ദൈവവും മനുഷ്യനും എന്ന നാടകത്തില്‍ അഭിനയിച്ചു പാടിയ മുഹമ്മദ് ബാബു പിന്നീട് ജീവിതാവസാനം വരെ അറിയപ്പെട്ടത് സീറോ ബാബു എന്ന പേരിലായിരുന്നു. ജീവിതചക്രം മുന്നോട്ടു കൊണ്ടു പോകാന്‍ നിരവധി വേഷങ്ങള്‍ കെട്ടിയ ബാബുവിന് പണ്ട് കൊച്ചിയില്‍ നടന്നിരുന്ന ചെറു രീതിയിലുള്ള കാര്‍ണിവല്‍ പരിപാടികളുടെ ഇടവേളകളില്‍ പാടാന്‍ അവസരം കിട്ടുമായിരുന്നു.
സ്ത്രീ ശബ്ദവുമായാണ് ബാബുവിന്റെ സംഗീത രംഗത്തെ കടന്നു വരവ്. ആവാര എന്ന പഴയ ഹിന്ദി ചിത്രത്തില്‍ ലതാ മങ്കേഷ്‌കര്‍ പാടിയ 'ആ ജാവോ തഡപ്‌തേ ഹേ അര്‍മാന്‍' ഹിറ്റ് ഗാനം നിരവധി സ്റ്റേജുകളില്‍ വനിതാ ശബ്ദത്തില്‍ പാടി ബാബു കൈയടി നേടിയിട്ടുണ്ട്.
"
https://www.facebook.com/Malayalivartha
