കഴിഞ്ഞ ദിവസമായിരുന്നു ജനപ്രിയ നായകൻ ദിലീപ് 57-ാം പിറന്നാള്‍ ആഘോഷിച്ചത്. ദിലീപിന് ജന്മദിനാശംസകള്‍ നേർന്നുകൊണ്ട് ഭാര്യ കാവ്യ മാധവനും മകള്‍ മീനാക്ഷിയും പങ്കുവെച്ച പോസ്റ്റുകളാണ് സോഷ്യൽമീഡിയയിൽ വൈറലായി മാറുന്നത്. ദിലീപിനൊപ്പമുള്ള ചിത്രങ്ങള്‍ പങ്കുവെച്ചുകൊണ്ടാണ് കാവ്യ മാധവനും മീനാക്ഷി ദിലീപും തങ്ങളുടെ ഫേസ്ബുക്ക് പോസ്റ്റുകള്‍ പങ്കുവെച്ചിരിക്കുന്നത്. ദിലീപിനോടൊപ്പം എടുത്ത ഒരു സെല്‍ഫിയോടൊപ്പം 'ജന്മദിനാശംസകൾ' എന്ന ഒരു വരി മാത്രമാണ് തന്റെ ഔദ്യോഗിക ഇന്‍സ്റ്റഗ്രാം പ്രൊഫൈലില്‍ കാവ്യമാധവന്‍ കുറിച്ചിരിക്കുന്നത്. പോസ്റ്റിന്റെ കമന്റ് ബോക്സ് കാവ്യ മാധവന്‍ ഓഫാക്കി വെച്ചിരിക്കുന്നു എന്നതും ശ്രദ്ധേയമാണ്. അച്ഛന്റെ പിറന്നാള്‍ ദിനത്തില്‍ അദ്ദേഹത്തിനൊപ്പമുള്ള ഒന്നിലേറെ ഫോട്ടോകള്‍ പങ്കുവെച്ചുകൊണ്ടാണ് മീനാക്ഷി തന്റെ ആശംസകള്‍ അറിയിച്ചിരിക്കുന്നത്. അടിക്കുറിപ്പൊന്നും ഇല്ലെങ്കിലും മീനാക്ഷി പങ്കുവെച്ച കുറിപ്പ് നിമിഷ നേരം കൊണ്ട് വൈറലായി മാറുകയും ചെയ്തു.

പോസ്റ്റിന് താഴെ നിരവധി ആളുകളാണ് ദിലീപിന് പിറന്നാള്‍ ആശംസകള്‍ നേർന്നുകൊണ്ട് രംഗത്ത് വരുന്നത്. മീനാക്ഷിയുടെ പോസ്റ്റിന് കീഴെയായി വന്നൊരു കമന്റില്‍ മഞ്ജു വാര്യറേയും കൂടി സൂചിപ്പിക്കുന്നുണ്ട്. ഇതുപോലെ അമ്മയായ മഞ്ജു വാര്യറെ കൂടി സ്നേഹിക്കൂ എന്നാണ് ആ കമന്റ്. 'ഇതു പോലെ അമ്മയേയും സ്നേഹിക്കൂ (മഞ്ജു ചേച്ചി). അച്ഛനും അമ്മയും തുല്യരാണ്. എന്താണോ പ്രശ്നം അത് എത്രയും പെട്ടെന്ന് പരിഹരിക്കുക. അത് മാത്രമാണ് പരിഹാരം' എന്നാണ് കമന്റിന്റെ പൂർണ്ണ രൂപം.