സ്റ്റാർ മാജിക്കിലൂടെയും കോമഡി സ്റ്റാർസിലൂടെയുമെല്ലാം പ്രേക്ഷകർക്ക് പ്രിയങ്കരനായിരുന്നു കൊല്ലം സുധി. സുധിയുടെ ഓർമ്മകളിലൂടെയാണ് അദ്ദേഹത്തിന്റെ ഭാര്യ രേണു ഓരോ ദിവസവും മുന്നോട്ട് കൊണ്ടുപോകുന്നത്. ഇടയ്ക്കിടെ രേണുവിനെതിരെ കടുത്ത സൈബർ ആക്രമണങ്ങളും ഉണ്ടാവാറുണ്ട്. അപ്രതീക്ഷിതമായിട്ടുണ്ടായ വാഹനാപകടത്തില്‍ ആയിരുന്നു സുധി മരണപ്പെടുന്നത്. പിന്നാലെ ഭാര്യയെയും കുടുംബത്തെയും സംരക്ഷിച്ചുകൊണ്ട് നിരവധി സംഘടനകള്‍ രംഗത്ത് വന്നു. സുധിയുടെ മക്കള്‍ക്കും ഭാര്യക്കുമായി മനോഹരമായ വീട് നിര്‍മ്മിച്ചു നല്‍കുകയും ഭാര്യ രേണുവിന് സിനിമയില്‍ അഭിനയിക്കാനുള്ള അവസരം ലഭിക്കുകയും ഒക്കെ ചെയ്തു. എന്നാല്‍ കുടുംബം നിരന്തരം യൂട്യൂബ് ചാനലുകളിലെ അഭിമുഖത്തില്‍ പങ്കെടുക്കുന്നത് വലിയ വിമര്‍ശനങ്ങള്‍ക്ക് കാരണമാവുകയാണ്.

ഇപ്പോഴും ഇതേ കാര്യങ്ങള്‍ പറഞ്ഞുകൊണ്ടിരിക്കുന്നത് നല്ലതല്ലെന്നാണ് പൊതുഅഭിപ്രായം. ഇതിനിടെ സുധിയുടെ ഭാര്യ വീണ്ടും വിവാഹം കഴിക്കുന്നതിനെ കുറിച്ചുള്ള ചര്‍ച്ചകളും വന്നിരുന്നു. ഇതിനിടയിലാണ് രേണുവിന്റെ നവ വധുവിനെപോലെ അണിഞ്ഞൊരുങ്ങുന്ന വീഡിയോ വൈറലാകുന്നത്. രേണുവിന്റെ വിവാഹം കഴിഞ്ഞു എന്ന തരത്തിൽ വരെ പറഞ്ഞുകൊണ്ട് ഈ ചിത്രങ്ങൾ സോഷ്യൽ മീഡിയയിൽ സ്ഥാനം പിടിച്ച് കഴിഞ്ഞു. യഥാർത്ഥത്തിൽ ഈ ചിത്രങ്ങൾ ഒരു ഫോട്ടോ ഷൂട്ടിന് വേണ്ടിയാണ് അണിഞ്ഞൊരുങ്ങിയത്. മഞ്ഞ പട്ടുസാരിയുടുത്ത് നിറയെ ആഭരങ്ങൾ അണിഞ്ഞ് മുല്ലപ്പൂ ചൂടി അതീവ സുന്ദരിയായാണ് രേണുവിനെ കാണാൻ സാധിക്കുന്നത്. എന്നാൽ ഈ ചിത്രത്തെ അനുകൂലിച്ചും വിമര്ശിച്ചുമൊക്കെ ആരാധകർ എത്തിയിരിക്കുകയാണ്.