നടി ശോഭിത ധൂലിപാലയും നാഗചൈതന്യയും തമ്മിലുള്ള വിവാഹം ഉറപ്പിച്ചിരിക്കുകയാണ്. വളരെ ആഘോഷപരമായി തന്നെ ഇരുവരുടെയും വിവാഹനിശ്ചയവും കഴിഞ്ഞു. എന്നാൽ മുൻ ഭാര്യയുടെ ഓർമകളിൽ സാമന്തയോടൊപ്പം ഒരു കാറിനടുത്ത് നിൽക്കുന്ന ചിത്രം നാഗചൈതന്യ അക്കൗണ്ടിൽ അവശേഷിപ്പിച്ചിരുന്നു. 'ത്രോ ബാക്ക്... മിസിസ്സ് ആൻഡ് ഗേൾ ഫ്രണ്ട്' എന്ന ക്യാപ്ഷനോടുകൂടിയായിരുന്നു അന്ന് താരം പോസ്റ്റ് പങ്കുവച്ചിരുന്നത്. ഇപ്പോഴിതാ ആ ചിത്രവും നാഗചൈതന്യ നീക്കം ചെയ്തിരിക്കുകയാണ്. നിലവിൽ ഇരുവരും ഒരുമിച്ച് അഭിനയിച്ച മാലിജി എന്ന ചിത്രത്തിന്റെ പോസ്​റ്റർ മാത്രമാണ് നാഗചൈതന്യയുടെ ഫീഡിലുളളത്. രണ്ട് വർഷത്തെ പ്രണയത്തിനൊടുവിൽ 2017ലാണ് നാഗചൈതന്യയും സാമാന്തയും വിവാഹിതരായത്.  2021ലാണ് ഇരുവരും വേർപിരിഞ്ഞത്.