ആ 'വാതില്‍' യഥാര്‍ഥത്തില്‍ ഒരു വാതില്‍ അല്ല! ജാക്കും റോസും രക്ഷതേടിയ ആ പലകയുടെ ചുരുളഴിയുന്നു! വെളിപ്പെടുത്തലുമായി നായിക
ജെയിംസ് കാമറൂണ്‍ സംവിധാനം ചെയ്ത ടൈറ്റാനിക് ചിത്രത്തിന് ഇപ്പോഴും ആരാധകരേറെയാണ്. ഇപ്പോഴിതാ ചില വെളിപ്പെടുത്തലുമായി എത്തിയിരിക്കുകയാണ് ടൈറ്റാനിക് നായിക കെയ്റ്റ് വിന്‍സ്ലെറ്റ്. ടൈറ്റാനിക്കിന്റെ അന്ത്യരംഗങ്ങളില്‍ കപ്പല്‍ തകരുമ്പോള്‍ ഒരു പലകയിലാണ് റോസ് രക്ഷപ്പെട്ടത്. പലകയില്‍ രണ്ടുപേര്‍ക്ക് ഇടമില്ലാത്തതിനാല്‍ റോസിന്റെ പ്രാണപ്രിയന്‍ ജാക്ക് വെള്ളത്തില്‍ തണുത്തുറഞ്ഞ് മരിക്കുകയും ചെയ്തു. റോസിനെ രക്ഷപ്പെടുത്തിയ ആ 'വാതില്‍' യഥാര്‍ഥത്തില്‍ ഒരു വാതില്‍ അല്ലെന്നാണ് കെയ്റ്റ് തുറന്നുപറഞ്ഞിരിക്കുന്നത്. പക്ഷെ യഥാര്‍ഥത്തില്‍ അത് ഒരു വാതിലായിരുന്നില്ല. അത് സ്റ്റെയര്‍വേയ്‌സിന്റേയോ മറ്റോ പൊട്ടിപ്പോയൊരു കഷ്ണം മാത്രമായിരുന്നു. അതില്‍ ഡികാപ്രിയോയ്ക്ക് സ്ഥലമുണ്ടായിരുന്നോ എന്ന് ആര്‍ക്കറിയാം എന്നായിരുന്നു കേറ്റിന്റെ മറുപടി. ഓസ്‌ട്രേലിയന്‍ ടോക്ക് ഷാ ആയ ദി പ്രോജക്ടിലായിരുന്നു കേറ്റ് ഇക്കാര്യം ഓര്‍ത്തെടുത്ത് പറഞ്ഞത്.
https://www.facebook.com/Malayalivartha
