നടി കീര്‍ത്തി സുരേഷും ആന്റണി തട്ടിലുമായുള്ള വിവാഹം ദിവസങ്ങള്‍ക്ക് മുമ്പ് ഗോവയില്‍ വെച്ച് നടന്നിരുന്നു. 15 വര്‍ഷത്തോളമായുള്ള പ്രണയമാണ് വിവാഹത്തിലെത്തിയത്. പ്ലസ് ടുവിന് പഠിക്കുന്ന സമയത്താണ് ഇരുവരും പരിചയപ്പെടുന്നത്. അടുത്ത സുഹൃത്തുക്കളായിരുന്നു ഇരുവരും.

പിന്നീട് സൗഹൃദം പ്രണയത്തിലേക്ക് വഴിമാറുകയായിരുന്നു. ചെന്നൈയിലും കൊച്ചിയിലുമായി ബിസിനസ് നടത്തുകയാണ് ആന്റണി. അടുത്ത സുഹൃത്തുക്കളും ബന്ധുക്കളുമടക്കമുള്ളവര്‍ വിവാഹത്തില്‍ പങ്കെടുത്തിരുന്നു. വിവാഹ ചിത്രങ്ങളും വീഡിയോകളും സോഷ്യല്‍മീഡിയയിലൂടെ വൈറലായിരുന്നു.

തമിഴ് ശൈലിയിലായിരുന്നു വിവാഹം. മടിസാര്‍ രീതിയിലായിരുന്നു സാരിയണിഞ്ഞത്. മാമ്പഴക്കളറിലുള്ള സാരിയും പച്ച ബ്ലൗസുമായിരുന്നു വേഷം. സാരിക്ക് അനുയോജ്യമായി മുടിയും സെറ്റാക്കിയിരുന്നു.

വേഷ്ടിയണിഞ്ഞായിരുന്നു ആന്റണി താലികെട്ടിന് എത്തിയത്. കൂളിംഗ് ഗ്ലാസ് വെച്ച് സ്‌റ്റൈലിഷായാണ് ആന്റണി എത്തിയത്. വെളുപ്പ് നിറത്തിലുള്ള സ്യൂട്ടായിരുന്നു ആന്റണിയുടെ വേഷം. ഗോവയിലെ ചടങ്ങിന് ശേഷമായി പള്ളിയില്‍ വെച്ചും ചടങ്ങുകള്‍ നടന്നു. വെളുത്ത നിറത്തിലുള്ള ഗൗണ്‍ അണിഞ്ഞായിരുന്നു കീര്‍ത്തി എത്തിയത്.

ബൊക്കെ പിടിച്ച് സുരേഷ് കുമാറിനൊപ്പമായാണ് കീര്‍ത്തി വേദിയിലേക്ക് എത്തിയത്. അതീവ സന്തോഷത്തോടെയായി ഇരുവരും ഫോട്ടോയ്ക്ക് പോസ് ചെയ്തിട്ടുണ്ട്. കീര്‍ത്തി തന്നെയാണ് ക്രിസ്ത്യന്‍ ലുക്കിലുള്ള ചിത്രങ്ങള്‍ പങ്കിട്ടത്. ഫോര്‍ ദ ലവ് ഓഫ് നൈക്ക് എന്ന ഹാഷ് ടാഗോടെയാണ് ചിത്രങ്ങള്‍ പങ്കുവെച്ചത്.