ഇത് തഗ്ഗായ മറുപടിയല്ല, ഞാന്‍ ശരിക്കും പറയുന്ന മറുപടിയാണ്...
പുതിയ ചിത്രമായ ഗെറ്റ് സെറ്റ് ബേബിയുമായി ബന്ധപ്പെട്ട് സംസാരിക്കവേയാണ് വിവാഹത്തെപ്പറ്റിയും കുട്ടികളെപ്പറ്റിയും നടി നിഖില വിമല്‍ പ്രതികരിച്ചത്. ഈ മാസം ഇരുപത്തിയൊന്നിനാണ് താരത്തിന്റെ പുതിയ സിനിയായ ഗെറ്റ് സെറ്റ് ബേബി തീയേറ്ററിലെത്തിയത്.
കല്യാണം കഴിച്ചവര്‍ക്ക് കുട്ടികള്‍ ഉണ്ടാകാത്തത് ഒരു പ്രശ്‌നമായി തനിക്ക് തോന്നാറില്ലെന്ന് നടി നിഖില വിമല്‍. അതൊക്കെ ആ ദമ്പതികളുടെ ചോയ്‌സാണ്. ഞാന്‍ അമ്മയാവാന്‍ പ്രിപ്പേര്‍ഡ് ആണോ, അല്ലെങ്കില്‍ അച്ഛനാകാന്‍ പ്രിപ്പേര്‍ഡാണോയെന്നതൊക്കെ അവിടെ വിഷയമാണെന്നും അവര്‍ വ്യക്തമാക്കി.
'സോഷ്യല്‍ പ്രഷറിന്റെ പേരില്‍ കുട്ടികളുണ്ടാക്കുകയെന്നതിനോട് എനിക്ക് താത്പര്യമില്ല. എന്റെ കാര്യമാണ് ചോദിക്കുന്നതെങ്കില്‍, എന്നെ അങ്ങനെ ഒരാള്‍ക്ക് ഫോഴ്‌സ് ചെയ്ത് ചെയ്യിക്കാനാകില്ല. എനിക്കതിന് താത്പര്യമില്ലെന്ന് ഞാന്‍ ചിലപ്പോള്‍ പറയും. എല്ലാവര്‍ക്കും അങ്ങനെ പറയാനുള്ള സാഹചര്യമില്ലാത്തതിനാല്‍ ചിലര്‍ക്ക് സോഷ്യല്‍ പ്രഷര്‍ പ്രശ്‌നമായി വരും.'- നിഖില പറഞ്ഞു.
വിവാഹം കഴിക്കുന്നില്ലേയെന്ന ചോദ്യത്തോടും നിഖില പ്രതികരിച്ചു. 'എനിക്ക് താത്പര്യമില്ല. ഇത് തഗ്ഗായ മറുപടിയല്ല. ഞാന്‍ ശരിക്കും പറയുന്ന മറുപടിയാണ്. ഞാന്‍ ആരോടും കല്യാണം കഴിക്കണ്ടെന്ന് പറയില്ല. എനിക്ക് ഇപ്പോള്‍ വിവാഹം ചെയ്യാന്‍ താത്പര്യമില്ലെന്ന് മാത്രമേ പറയാനുള്ളൂ.'- നിഖില വ്യക്തമാക്കി.
https://www.facebook.com/Malayalivartha
