പ്രിയദര്ശന് പാട്ടെഴുതി
തന്റെ പുതിയ ചിത്രമായ ആമയും മുയലിനും വേണ്ടി സംവിധായകന് പ്രിയദര്ശന് പാട്ടെഴുതി. കാണാക്കൊമ്പിലെ കാക്കക്കറുമ്പന് എന്ന് തുടങ്ങുന്ന ഗാനത്തിന് എം.ജി ശ്രീകുമാറാണ് ഈണം നല്കിയത്. ആദ്യത്തെ കുറച്ച് വരികള് എഴുതി രാജീവ് ആലുങ്കലിന് നല്കി അതുപോലൊരു പാട്ടെഴുതിക്കാനാണ് തീരുമാനിച്ചിരുന്നത്. എന്നാല് വരികള് ഇഷ്ടപ്പെട്ട എം.ജി ശ്രീകുമാര് പ്രിയനോട് എഴുതാന് പറയുകയായിരുന്നു. പ്രിയന് എഴുതിയ വരികള് രാജീവ് ആലുങ്കല് പൂര്ത്തിയാക്കി. നാടന് പാട്ടാണ് അതുകൊണ്ട് വലിയ ബഹളങ്ങളൊന്നും ഇല്ല. ചിത്രത്തില് നാല് പാട്ടുകളാണ് ഉള്ളത്.
പ്രിയദര്ശന്റെ എല്ലാ സിനിമകളിലെയും ഗാനങ്ങള് മനോഹരമാണ്. ആമയും മുയലിലും അതുപോലെയായിരിക്കും. തേന്മാവിന് കൊമ്പത്തിലേതു പോലുള്ള ഒരു സാങ്കല്പ്പിക ഗ്രാമത്തിലാണ് കഥ നടക്കുന്നത്. അതിനാല് നാടന് പാട്ടുകള്ക്ക് ചിത്രത്തില് വലിയ പ്രാധാന്യമാണുള്ളത്. പ്രിയനും രാജീവും എഴുതിയ പാട്ട് ആരെക്കൊണ്ട് പാടിക്കണമെന്ന് തീരുമാനിച്ചിട്ടില്ല. ജയസൂര്യ നായകനാകുന്ന ആമയും മയലിലും പ്രിയ ബജ്പയിയാണ് നായിക. നെടുമുടി വേണു, ഇന്നസെന്റ് എന്നിവരാണ് മറ്റ് താരങ്ങള്.
കഴിഞ്ഞ ചിത്രം ഗീതാഞ്ജലി പരാജയമായിരുന്നെങ്കിലും തന്റെ പഴയകാല സിനിമകളെ അനുസ്മരിപ്പിക്കുന്ന ചിത്രമായിരിക്കും ആമയും മുയലുമെന്ന് പ്രിയന് പറയുന്നു. ഫുള് ഹൗസ് പ്രൊഡക്ഷന്സിന്റെ ബാനറില് ജയ്സണ് പുളിക്കോട്ടിലാണ് ചിത്രം നിര്മിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha