നസ്രിയ സിനിമയിലേക്ക് തിരിച്ചു വരുമോ?
വിവാഹം കഴിഞ്ഞെങ്കിലും സിനിമയില് തുടരാന് നസ്രിയക്ക് ആഗ്രഹം. ഹണിമൂണ് കഴിഞ്ഞശേഷം സിനിമയില് മടങ്ങിയെത്തുന്ന കാര്യം തീരുമാനിക്കാമെന്നാണ് നസ്രിയയുടെ പക്ഷം. അന്വര് റഷീദിന്റെ ചിത്രത്തിലൂടെയായിരിക്കും നസ്രിയ ഫഹദ് സിനിമയില് മടങ്ങിയെത്തുക. ഏതായാലും കുറച്ചു ദിവസത്തെ ഇടവേളയുണ്ടാകുമെന്ന് മാത്രം.
ഫഹദ് ഫാസില് മണിരത്നം എന്ന ചിത്രം പൂര്ത്തിയാക്കിയാലുടന് യു എസില് ഹണിമൂണിനു പോകും. വിവാഹത്തിനുമുമ്പ് തന്നെ ഫഹദ് മണിരത്നത്തില് അഭിനയിക്കാന് തുടങ്ങിയിരുന്നു. എന്നാല് ചിത്രം പൂര്ത്തിയായില്ല. അങ്ങനെയാണ് വിവാഹത്തിന് ശേഷവും മണിരത്നത്തിന്റെ ലൊക്കേഷനിലെത്തിയത്. കൈനിറയെ ചിത്രങ്ങളുണ്ട് ഫഹദിന്. അടുത്ത ചിത്രം ഏതെന്ന് തീരുമാനിച്ചിട്ടില്ല.
ഫഹദ് ലെക്കേഷനിലായിരുന്നപ്പോള് നസ്രിയ അവരുടെ തിരുവനന്തപുരത്തുള്ള വീട്ടിലായിരുന്നു. ഇടയ്ക്ക് ആലപ്പുഴയില് ഫഹദിന്റെ കുടുംബവീട്ടില് ഏതാനും ദിവസം താമസിച്ചു. ഫഹദ് വന്നാലുടന് വീണ്ടും ആലപ്പുഴയിലെത്തും. ഫഹദിന് സിനിമയെ കുറിച്ച് വ്യക്തമായ കാഴ്ചപ്പാടുണ്ട്. നസ്രിയ അഭിനയിക്കുന്നതിനോട് ഫഹദിന് വിരോധവുമില്ല. സിനിമാ കുടുംബത്തില് നിന്നും വന്നതിനാല് ഭാര്യ സിനിമയില് അഭിനയിക്കാന് പാടില്ലെന്ന് ഫഹദ് പറയില്ല. ഫാസിലിനും ഇക്കാര്യത്തില് എതിരഭിപ്രായമില്ല.
വിവാഹശേഷം ചലച്ചിത്ര നടിമാര് സിനിമയില് നിന്നും പിന്മാറുന്നത് നസ്രിയയെ അത്ഭുതപ്പെടുത്തുന്നു. ഇത്തരത്തില് പിന്മാറുന്നത് സ്വന്തം കരിയറിനെ അപമാനിക്കുന്നതു പോലെയല്ലേ എന്നും നസ്രിയ സംശയിക്കുന്നു.
ഹണിമൂണ് യാത്ര ഗ്രീസില് നിന്നും തുടങ്ങാനാണ് നസ്രിയയുടെയും ഫഹദിന്റെയും പദ്ധതി. അവിടെ നിന്നും യുഎസിലേക്ക്. എത്ര ദിവസം യുഎസിലുണ്ടാകും എന്നത് തീരുമാനിച്ചിട്ടില്ല. ഫഹദിന്റെ തിരക്ക് ആശ്രയിച്ചായിരിക്കും തീയതി തീരുമാനിക്കുക.
സിനിമയില് തിരിച്ചു വരുന്നതിനെ കുറിച്ച് നസ്രിയ ഫഹദുമായി സംസാരിച്ചിട്ടില്ലെന്നാണ് അറിയുന്നത്. തീരുമാനമെടുക്കുന്നത് ഫഹദായിരിക്കും. അഭിനയിക്കാന് പറഞ്ഞാല് അഭിനയിക്കാം. ഇല്ലെങ്കില് അഭിനയിക്കില്ല. എന്നാലും മനസില് നിന്നും സിനിമ പറിച്ചെറിയാന് നസ്രിയ തയ്യാറല്ല. പുതിയ സിനിമകള് കാണുകയാണ് നസ്രിയയുടെ ഇപ്പോഴുള്ള ഹോബി. താന് അഭിനയിച്ച പഴയ ചിത്രങ്ങളും കാണും. വസ്തു നിഷ്ഠമായ ഒരു വിലയിരുത്തല് നടത്താനുള്ള സമയമാണ് ഇതെന്നും നസ്രിയ പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha