യുവനടി നിത്യാമേനോന്‍ അമ്മയാകുന്നു. ക്രാന്തി സംവിധാനം ചെയ്യുന്ന തെലുങ്ക് ചിത്രത്തിലാണ് താരം ആദ്യമായി അമ്മവേഷത്തിലെത്തുന്നത്. നയന്‍താര അടക്കമുള്ള സൂപ്പര്‍താരങ്ങള്‍ അമ്മ വേഷം കെട്ടാന്‍ മടികാണിക്കുമ്പോഴാണ് നിത്യ പുതിയ വെല്ലുവിളി ഏറ്റെടുത്തത്. ചിത്രത്തിന്റെ തിരക്കഥ വായിച്ച് ഇഷ്ടപ്പെട്ടാണ് താരം അഭിനയിക്കാന്‍ സമ്മതിച്ചത്. 22 ഫീമെയില്‍ കോട്ടയത്തിന്റെ തെലുങ്ക് പതിപ്പായ മാലിനി 22വിലടക്കം തിളങ്ങി നില്‍ക്കുകയാണ് നിത്യ.

ഇത്തരം കഥകളും കഥാപാത്രങ്ങളും അപൂര്‍വമായേ തേടിവരൂ എന്ന് നിത്യ പറഞ്ഞു. മ്യൂസിക്കല്‍ റൊമാന്റിക്ക് ഡ്രാമയായ ചിത്രത്തില്‍ ഷര്‍വാനന്ദാണ് നായകന്‍. എമിതോ ഈ മായ (എന്താണി മാജിക്ക്) എന്ന ചിത്രത്തില്‍ ഇരുവരും ജോഡികളായി അഭിനയിച്ചിരുന്നു. ഷര്‍വാനന്ദ് സ്‌പോട്‌സ് താരമായാണ് പുതിയ ചിത്രത്തില്‍ എത്തുന്നത്.  ജെ.കെ എന്നും നന്‍ബിനന്‍ വാഴ്‌കെ, അപ്പാവിന്‍ മേസൈയ്, മുനി ത്രി ഗംഗ തുടങ്ങിയ തമിഴ്,തെലുങ്ക് ചിത്രങ്ങള്‍ പൂര്‍ത്തിയാക്കാനുണ്ട്. 

ദുല്‍ക്കറിനൊപ്പം 100 ഡെയ്‌സ് ഓഫ് ലവില്‍ അഭിനയിക്കുകയാണ് നിത്യ. ബാംഗ്ലൂരില്‍ ചിത്രീകരണം പുരോഗമിക്കുന്ന ചിത്രം കമലിന്റെ മകനാണ് സംവിധാനം ചെയ്യുന്നത്. മലയാളത്തില്‍ പുതിയ ചിത്രങ്ങളൊന്നും നിത്യ കമ്മിറ്റ് ചെയ്തിട്ടില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha