ഹണി റോസ് കോളേജില്
സിനിമകളുടെ തിരക്കില് നിന്ന് ഹണി റോസ് വീണ്ടും കോളജില്. ആലുവ സെന്റ് സേവ്യസ് കോളജിനെ കമ്മ്യൂണിക്കേറ്റീവ് ഇംഗ്ലീഷ് ബിരുദ വിദ്യാര്ത്ഥിയാണ് ഹണി. മറ്റ് പല സിനിമാക്കാരും തെരക്ക് കാരണം കോളജില് പോകാത്തപ്പോള് താന് അതിനായി സമയം കണ്ടെത്തുകയായിരുന്നെന്ന് താരം പറഞ്ഞു. വീട്ടിലും കോളജിലും നല്ല സ്റ്റുഡന്റാണ് താനെന്നും അതിനാല് താരമായല്ല സുഹൃത്തുക്കളോടും അധ്യാപകരോടും പെരുമാറുന്നതെന്നും ഹണി പറഞ്ഞു.
കോളജില് പോകുമ്പോള് മേക്കപ്പൊന്നും ഇടാറില്ല. സാധാരണ പെണ്കുട്ടികളെ പോലെയാണ് പോകുന്നത്. ജീന്സും ടോപ്പുമായിരിക്കും മിക്കവാറും ധരിക്കുക. എന്നാല് സുഹൃത്തുക്കളുടെ നിര്ബന്ധപ്രകാരം ഒരുദിവസം മേക്കപ്പിട്ട് പോയി. പക്ഷെ, അധികമാര്ക്കും മനസിലായില്ല. കോളജില് സിനിമാ നടിയാണെന്ന പരിഗണന ലഭിക്കുന്നുണ്ട്. അതിന് അധ്യാപകരോടും സുഹൃത്തുക്കളോടും നന്ദിയും സ്നേഹവുമുണ്ട്. ക്ലാസിന് പോകാന് കഴിയാത്ത ദിവസങ്ങളിലെ നോട്ട്സും മറ്റും സുഹൃത്തുക്കളാണ് പകര്ത്തി നല്കുന്നത്.
ബിരുദം പൂര്ത്തിയാക്കിയ ശേഷം പി.ജിക്ക് ചേരണമെന്നാണ് ഹണിയുടെ ആഗ്രഹം. അഭിനയത്തിനൊപ്പം പഠനവും വേണം. സിനിമയില് സജീവമല്ലാതെയാകുമ്പോള് സ്വന്തമായി എന്തെങ്കിലും ചെയ്യുകയോ മറ്റ് ജോലി തേടുകയോ ചെയ്യാം - ഹണി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha