പൃഥ്വിരാജിന് ശോഭന നായിക
പൃഥ്വിരാജിന്റെ നായികയായി ശോഭന എത്തുന്നു. ദൈവത്തിന്റെ സ്വന്തം ക്ലീറ്റസിനു ശേഷം മാര്ത്താണ്ഡന് സംവിധാനം ചെയ്യുന്ന ചിത്രത്തിലാണ് ശോഭന നായികയാകുന്നത്. പാവാട എന്ന് പേരിട്ട ചിത്രം മണിയന്പിള്ള രാജുവാണ് നിര്മിക്കുന്നത്. ബിജുമേനോനും അനൂപ് മേനോനുമാണ് മറ്റ് താരങ്ങള്. ബിപിന് ചന്ദ്രനാണ് തിരക്കഥ എഴുതുന്നത്. ഏറെ കാലത്തെ ഇടവേളയ്ക്ക് ശേഷമാണ് വിനീത് ശ്രീനിവാസന്റെ \'തിര\' എന്ന ചിത്രത്തിലൂടെ ശോഭന തിരിച്ചുവന്നത്. അതിന് ശേഷം മറ്റ് ചിത്രങ്ങളൊന്നും ചെയ്തിരുന്നില്ല.
മഞ്ജു വാര്യര്ക്കൊപ്പം അഭിനയിക്കണം എന്നതായിരുന്ന പൃഥ്വിരാജിന്റെ വലിയ ആഗ്രഹം. എന്നാല് ശോഭനയ്ക്കൊപ്പം അഭിനയിക്കുന്നതിലും താരത്തിന് സന്തോഷമേ ഉള്ളൂ. ബെസ്റ്റ് ആക്ടറിന് തിരക്കഥയെഴുതിയ ബിപിന് ചന്ദ്രയാണ് പാവടയ്ക്കും തിരക്കഥയൊരുക്കുന്നത്. ചിത്രത്തിന്റെ പേര് പാവാടയെന്നാണെങ്കിലും പാവാടയ്ക്ക് ചിത്രത്തില് എന്തെങ്കിലും റോളുണ്ടോയെന്ന് ചോദിയ്ക്കുമ്പോള് അതെല്ലാം സസ്പെന്സ് ആണെന്നാണ് മാര്ത്താണ്ഡന് പറയുന്നത്.
സൂപ്പര് താരങ്ങള് 20 വയസുള്ള നായികമാര്ക്കൊപ്പം അഭിനയിക്കുമ്പോള് യുവതാരങ്ങള് പഴയകാല നടിമാര്ക്കൊപ്പം അഭിനയിക്കാന് തയ്യാറാകുന്നത് വലിയ കാര്യമാണ്. കുഞ്ചാക്കോ ബോബന് മഞ്ജുവാര്യരുടെ ജോഡിയായി ഹൗ ഓള്ഡ് ആര് യുവില് അഭിനയിച്ചിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha