നീരജ് നിഷ്കളങ്കനല്ല
ദൃശ്യം, മെമ്മറീസ്, ഇപ്പം സപ്തമശ്രീ തസ്ക്കര..നീരജ് മാധവ് മലയാള സിനിമയില് ചുവടുറപ്പിക്കുകയാണ്. സപ്തമശ്രീ തസ്ക്കരയില് നിഷ്കളങ്കനായ നാരായണന്കുട്ടിയെയാണ് അവതരിപ്പിച്ചത്. എന്നാല് ജീവിതത്തില് അതുപോലെയല്ലെന്ന് നീരജ് പറയുന്നു.
പക്ഷെ, ഈ കഥാപാത്രം തനിക്ക് കരിയറില് വലിയ ബ്രേക്കായെന്ന് താരം പറയുന്നു. പൃഥ്വിരാജിനോടും മറ്റ് താരങ്ങളോടും സംവിധായകന് അനില് രാധാകൃഷ്ണ മേനോനോടും കടപ്പാടുണ്ട്. സെറ്റില് ചെന്നപ്പോള് വലിയ ടെന്ഷനായിരുന്നു. എന്റെ പ്രായത്തിലുള്ളവരോ, പരിചയക്കാരോ ആയ ആരും സെറ്റിലില്ല. എന്നാല് നെടുമുടിവേണു ചേട്ടന് അതെല്ലാം മാറ്റിയെടുത്തു. ഞങ്ങളെയെല്ലാം അഭിനയത്തില് ഒരുമിപ്പിച്ച് കൊണ്ടുപോയത് അദ്ദേഹമായിരുന്നു.
സംവിധായകന് ഒരിക്കല് പോലും ദേഷ്യപ്പെടില്ല. അദ്ദേഹത്തിന് വേണ്ട കാര്യങ്ങള് കൃത്യമായി അറിയാം. അത് പറഞ്ഞത് തരും. നമ്മള്ക്ക് കൂടുതല് ഇംപ്രൂവ് ചെയ്യുവാനുളള സ്വാതന്ത്ര്യവും തരും.
ഹോംലിമീല്സ് എന്ന ചിത്രത്തില് ക്വട്ടേഷന് സംഘാംഗമായാണ് എത്തുന്നതെന്നും നീരജ് പറഞ്ഞു.കോമഡി, ക്യാരക്ടര് വേഷങ്ങള് മാത്രം ചെയ്യുന്നതില് തനിക്ക് അതൃപ്തിയില്ലെന്നും നീരജ് പറഞ്ഞു. എല്ലാകഥാപാത്രങ്ങളെയും നന്നായി അവതരിപ്പിക്കുകയാണ് നടന്മാരുടെ ലക്ഷ്യം. അല്ലാതെ നായകനായി മാത്രമേ അഭിനയിക്കൂ എന്ന് വാശിപിടിക്കില്ലെന്നും നീരജ് വ്യക്തമാക്കി.
ജിത്തുജോസഫാണ് തനിക്ക് കൂടുതല് അവസരങ്ങള് നല്കിയതെന്നും അതിന് അദ്ദേഹത്തോട് എന്നും കടപ്പാടുണ്ടെന്നും നീരജ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha