പത്മഭൂഷണ് പട്ടികയില് ലാലേട്ടനും
ഇന്ത്യയിലെ മൂന്നാമത്തെ പരമോന്നത ബഹുമതിയായ പത്മഭൂഷണ് പുരസ്കാരത്തിന് മലയാളത്തിന്റെ പ്രിയ താരം മോഹന്ലാല് പരിഗണനയില്. ഇതോടൊപ്പം ഗാന്ധി സ്മാരക നിധി അധ്യക്ഷന് പി ഗോപിനാഥന് നായരേയും കേന്ദ്ര സര്ക്കാര് പരിഗണിക്കുന്നു.
ജഗതി ശ്രീകുമാര്, അര്ബുദചികിത്സാവിദഗ്ധന് ഡോ. വി.പി. ഗംഗാധരന്, പ്രമുഖ മാധ്യമപ്രവര്ത്തകന് കെ.എം. റോയ്, ചരിത്രകാരന് പ്രഫ. എം.ജി.എസ്. നാരായണന്, സാഹിത്യകാരന് ജോര്ജ് ഓണക്കൂര്, ഗാനരചയിതാക്കളായ ശ്രീകുമാരന് തമ്പി, യൂസഫലി കേച്ചേരി, ഗായകന് പി. ജയചന്ദ്രന് എന്നിവരാണ് പത്മശ്രീക്ക് പരിഗണിക്കുന്ന മലയാളികള്.
ഇവരുള്പ്പെടെ 33 പേര്ക്കുള്ള പത്മപുരസ്കാരപ്പട്ടിക കേന്ദ്ര ആഭ്യന്തരവകുപ്പ് സെക്രട്ടറി സ്നേഹലത കുമാര് കേന്ദ്രമന്ത്രിസഭാ ഉപസമിതിക്കു സമര്പ്പിച്ചു. റിപ്പബ്ലിക് ദിനത്തലേന്നാണു പത്മപുരസ്കാരങ്ങള് ഔദ്യോഗികമായി പ്രഖ്യാപിക്കുന്നത്.
ഡോക്ടര്മാര്, സാമൂഹിക,ചലച്ചിത്ര,മാധ്യമപ്രവര്ത്തകര്, സാഹിത്യത്തില് സമഗ്രസംഭാവന നല്കിയവര്, സംഗീതജ്ഞര്, കലാരംഗത്തെ ഉജ്വലപ്രതിഭകള്, ആരോഗ്യ-വ്യവസായ രംഗങ്ങളില് വ്യക്തിമുദ്ര പതിപ്പിച്ചവര്, ശാസ്ത്ര-എന്ജിനീയറിംഗ് രംഗത്തെ പ്രഗത്ഭര് എന്നിവരടങ്ങുന്നതാണു പട്ടിക.
കേരളമന്ത്രിസഭാ ഉപസമിതി എട്ടുതവണ യോഗം ചേര്ന്ന് എണ്പതോളം പേരുടെ പട്ടിക തയാറാക്കിയിരുന്നു. തുടര്ന്നു മന്ത്രിസഭായോഗം ഈ പട്ടിക 33 പേരിലേക്കു ചുരുക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha