തൊഴുത്തില്‍ കുത്തിനും പാരവയ്പ്പിനും പറ്റിയ വിളനിലമാണ് സിനിമാ മേഖല. നിലവില്‍ തമിഴ്‌നാട്ടിലെ സൂപ്പര്‍ നായികമാരുടെ പട്ടികയിലാണ് ഐയിലെ ആമി ജാക്‌സനും. അതോടെ അവരോടുള്ള കണ്ണിക്കടിയും കൂടിയിട്ടുണ്ടെന്നാണ് അണിയറ സംസാരം.
 വിജയുടെ 59  ചിത്രത്തില്‍ നയന്‍സ് ഉണ്ടാകുമെന്നത് കോളിവുഡിലെയും മോളിവുഡിലെയും പ്രേക്ഷകര്‍ക്ക് ഏറെ സന്തോഷം നല്‍കിയ വാര്‍ത്തയായിരുന്നു. എന്നാല്‍, താരം ചിത്രത്തില്‍ നിന്ന് പിന്‍മാറിയെന്ന വാര്‍ത്തയാണ് ഇപ്പോള്‍ പ്രചരിക്കുന്നത്. നയന്‍സിന്റെ പിന്‍മാറ്റത്തിനു കാരണം ആമി ജാക്‌സനാണെന്നും പറഞ്ഞു കേള്‍ക്കുന്നുണ്ട്. നയന്‍സും ആമിയുമായിരിക്കും വിജയുടെ പുതിയ ചിത്രത്തിലെ നായികമാരെന്നായിരുന്നു ആദ്യം പുറത്തുവന്ന വാര്‍ത്തകള്‍.

എന്നാല്‍, ആമിയുടെ വരവ് നയന്‍സിന് രസിച്ചില്ല എന്നും ചിത്രത്തില്‍ അഭിനയിക്കേണ്ടെന്നു തീരുമാനിക്കുകയായിരുന്നുവെന്നുമാണ് ഇപ്പോള്‍ പ്രചരിക്കുന്നത്. സൂര്യയുടെ \'മാസി\'ല്‍ നിന്ന് ആമിയെ പുറത്താക്കിയതിനു കാരണം നയന്‍സാണെന്ന വാര്‍ത്തകളും നേരത്തെ കേട്ടിരുന്നു. നയന്‍സിന്റെ ഹിറ്റ് ചിത്രം രാജാറാണിയുടെ സംവിധായകന്‍ ആറ്റ്‌ലീയാണ് വിജയുടെ 59  ചിതം സംവിധാനം ചെയ്യുന്നത്. അതേസമയം, വിജയുടെ \'പുലി\'യുടെ ഷൂട്ടിംഗ് പൂര്‍ത്തിയായ ശേഷമേ പുതിയ ചിത്രത്തിന്റെ ജോലികള്‍ ആരംഭിക്കു എന്നതിനാല്‍ താരനിര്‍ണയത്തെ കുറിച്ച് അന്തിമ തീരുമാനമൊന്നുമായില്ല എന്നും അണിയറക്കാര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha