ജീവ നായകനാകുന്ന ചിത്രത്തില്‍ നിന്നു നയന്‍താര പിന്മാറിയതായി റിപ്പോര്‍ട്ടുകള്‍. 2006ല്‍ പുറത്തിറങ്ങിയ ഇ എന്ന ചിത്രത്തിന് ശേഷം നയന്‍താരയും ജീവയും വീണ്ടുമൊരു ചിത്രത്തിനു വേണ്ടി ഒന്നിക്കുന്നു എന്നു കഴിഞ്ഞ ദിവസമാണു വാര്‍ത്ത പുറത്തുവന്നത്. എന്നാല്‍ ഇപ്പോള്‍ കേള്‍ക്കുന്നു, ജീവ നായകനാകുന്ന ചിത്രമായതുകൊണ്ട് നയന്‍താര ചിത്രത്തില്‍ നിന്നു പിന്മാറിയെന്ന്. തിരക്കുകള്‍ കാരണം താന്‍ പിന്മാറുന്നു എന്നാണ് നയന്‍താര അണിയറപ്രവര്‍ത്തകരെ അറിയിച്ചത്.
എന്നാല്‍ അതല്ല പിന്മാറലിന് കാരണമെന്നാണു കോളിവുഡ് പപ്പരാസികളുടെ കണ്ടെത്തല്‍. തിരക്കാണ് കാരണമെങ്കില്‍ ജീവ ഫോണ്‍ വിളിച്ചിട്ടു പോലും നയന്‍ എടുക്കാത്തതെന്ത്? ഇവര്‍ ചോദിക്കുന്നു. നയന്‍താര ചിത്രത്തില്‍ നിന്നു പിന്മാറി എന്നറിഞ്ഞപ്പോള്‍, കാര്യം സത്യമാണോ എന്നറിയാന്‍ വേണ്ടി പേഴ്‌സണലായി ജീവ നയന്‍താരയെ വിളിയ്ക്കാന്‍ ശ്രമിച്ചിരുന്നു വത്രെ. എന്നാല്‍ ജീവയുടെ ഫോണ്‍ അറ്റന്‍ഡ് ചെയ്യാന്‍ പോലും നയന്‍ തയ്യാറായില്ലെന്നാണ് കേള്‍ക്കുന്നത്.
സമീപ കാലത്ത് ജീവ അഭിനയിച്ച ചിത്രങ്ങളെല്ലാം എട്ടു നിലയില്‍ പൊട്ടിയതുകൊണ്ടാണ് നയന്‍താര തിരക്കിന്റെ കാര്യം പറഞ്ഞ് പിന്മാറിയ തെന്നാണ് കേള്‍ക്കുന്നത്. എന്തായാലും നയന്‍താര പിന്മാറിയ സാഹചര്യത്തില്‍, രാംനാഥ് സംവിധാനം ചെയ്യുന്ന ചിത്രത്തില്‍ ജീവയ്ക്ക് നായികയായി ശ്രീദിവ്യ അഭിനയിക്കും എന്നാണ് കേള്‍ക്കുന്നത്. വരുത്തപ്പടാത്ത വാലിഭര്‍ സംഘം എന്ന ചിത്രത്തിലൂടെ തമിഴകത്തെ ത്തിയ ശ്രീദിവ്യയുടെ വിജയം ഇപ്പോള്‍ കാക്കി സട്ടൈ വരെ വന്നു നില്‍ക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha