സൂപ്പര്‍ താരം അജിത്ത് സഹനടി വിദ്യു ലേഖയോട് മാപ്പു പറഞ്ഞു. തല എന്ത് തെറ്റ് ചെയ്തതിനാണ് മാപ്പ് പറഞ്ഞതെന്ന് കേട്ടാല്‍ ചിരിവരും. എന്നാല്‍ താരത്തിന് ജാഡകളില്ലെന്ന് മനസിലാക്കാവുന്നതാണ് ഈ ചെറിയ സംഭവം. തല നായകനായ എന്നെ അറിന്താല്‍ വിജയകരമായി 25 ദിവസം പൂര്‍ത്തിയാക്കിയപ്പോഴാണ് ഹാസ്യ നടി വിദ്യു ലേഖ മെസേജ് അയച്ചത്. തിരിച്ചൊരു മറുപടി പ്രതീക്ഷിച്ചായിരുന്നില്ല മെസേജ് ചെയ്തത്. എന്നാല്‍ രണ്ട് ദിവസം കഴിഞ്ഞ് താരം മെസേജ് അയച്ചു. സോറി പറഞ്ഞുകൊണ്ട്.
രണ്ടാമത്തെ കുട്ടി പിറന്ന സന്തോഷവും പുതിയ ചിത്രവുമൊക്കെ ആയി അജിത്ത് തിരക്കിലായിരുന്നു. അതാണ് മറുപടി അയക്കാന്‍ വൈകിയത്. ആശംസയ്ക്ക് നന്ദിയുണ്ടെന്നും മറുപടി അയക്കാന്‍ താമസിച്ചതില്‍ ക്ഷമിക്കണമെന്നുമായിരുന്നു മസേജ്. സൂപ്പര്‍ സ്റ്റാറുകള്‍ അജിത്തിനെ കണ്ട് പഠിക്കണം എന്നാണ് വിദ്യുലേഖ പറയുന്നത്. എല്ലാ ആളുകളെയും ഒരുപോലെ കാണുന്നയാളാണ് അജിത്തെന്നും ഈഗോയൊന്നും ഇല്ലാത്ത മനുഷ്യനായതുകൊണ്ടാണ് അദ്ദേഹം ഉയരത്തില്‍ നില്‍ക്കുന്നതെന്നും നടി പറയുന്നു.
അജിത്തിനൊപ്പം ചുരുക്കം സിനിമകളില്‍ മാത്രമാണ് വിദ്യു ലേഖ അഭിനയിച്ചിട്ടുള്ളത്. തമിഴകത്തെ അറിയപ്പെടുന്ന ഹാസ്യനടിയാണ് അവര്‍. കൂടെ ജോലി ചെയ്യുന്ന എല്ലാവരോടും ഒരുപോലെ പെരുമാറുകയും സഹകരിക്കുകയും ചെയ്യുന്ന ആളാണ് അജിത്ത്. സിനിമയ്ക്ക് പുറത്ത് ജാഡകളോ മേക്കപ്പോ ഉപയോഗിക്കാത്ത വ്യക്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha