ഇളയ ദളപതി വിജയ് മലയാറ്റൂരില്‍. പുതിയ ചിത്രം പുലിയുടെ ചിത്രീകരണവുമായി ബന്ധപ്പെട്ടാണ് താരം എത്തിയത്. ഇതിന് മുമ്പ് ബോഡിഗാര്‍ഡിന്റെ ചിത്രീകരണത്തിനായി താരം കേരളത്തിലെത്തിയിരുന്നു. വരിക്കാശേരി മനയിലായിരുന്നു അന്ന് ഷൂട്ടിംഗ്. വിദേശികളുമായുള്ള സംഘട്ടന രംഗങ്ങളാണ് മലയാറ്റൂരില്‍ ചിത്രീകരിക്കുന്നത്. ആരാധകരുടെ ശല്യം ഒഴിവാക്കാന്‍ രഹസ്യമായാണ് ചിത്രീകരണം നടത്തുന്നത്. കേരളത്തിലുടനീളം താരത്തിന് ആരാധകരുണ്ട്. അതിന് പുറമേ തമിഴ്‌നാട്ടില്‍ നിന്ന് ജോലിക്കായി കേരളത്തിലെത്തിയവരും താരത്തെ കാണാന്‍ കാത്തിരിക്കുകയാണ്. എസ്.കെ.പി സ്റ്റുഡിയോ പ്രൊഡക്ഷന്‍സിന്റെ ബാനറില്‍ ഷിബു നിര്‍മ്മിക്കുന്ന ചിത്രം ചിമ്പു ദേവനാണ് സംവിധാനം ചെയ്യുന്നത്.
ശ്രുതി ഹാസനാണ് നായിക. മലയാറ്റൂരില്‍ തന്നെയുള്ള മലയാറ്റൂര്‍ റസിഡന്‍സി ഹോട്ടലിലാണ് സംഘം താമസിക്കുന്നത്. ചെന്നൈ, ആന്ധ്ര എന്നിവിടങ്ങളില്‍ ചിത്രീകരണം പൂര്‍ത്തിയാക്കി. വാഗമണിലും അതിരപ്പിള്ളിയിലും ഷൂട്ടിംഗ് ഉണ്ട്. പാട്ട് സീനുകളാണ് ഇവിടെ ചിത്രീകരിക്കുന്നതെന്നാണറിയുന്നത്. പയ്യ എന്ന ചിത്രത്തിലെ ഗാനരംഗങ്ങള്‍ ആതിരപ്പള്ളിയില്‍ ചിത്രീകരിച്ചത് ഏറെ ശ്രദ്ധനേടിയിരുന്നു. പിന്നീട് രാവണ്‍ ഉള്‍പ്പെടെയുള്ള തമിഴ് ചിത്രങ്ങള്‍ ഇവിടെ ചിത്രീകരിച്ചു. പല ചിത്രങ്ങളുടെയും പ്രമോഷനുമായി ബന്ധപ്പെട്ട് വിജയ് കേരളത്തിലെത്തിയിട്ടുണ്ട്. എന്നാല്‍ ഷൂട്ടിംഗുമായി ബന്ധപ്പെട്ട് എത്തുന്നത് ആരാധകര്‍ക്ക് വലിയ ആഹ്ലാദമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha