വിക്രത്തിന്റെ ബ്രഹ്മാണ്ഡ ചിത്രം ഐ യിലൂടെ സുപ്പര്‍നായികയായി മാറിയ ആമി ജാക്‌സന്‍ മരണത്തില്‍ നിന്ന് രക്ഷപ്പെട്ടതിന്റെ ഞെട്ടലില്‍ നിന്ന് ഇത് വരെ മുക്തയായിട്ടില്ല. ഉദയാനിധി സ്റ്റാലിന്‍ നായകനാകുന്ന പുതിയ ചിത്രത്തിന്റെ സെറ്റില്‍ ആയിരുന്നു സംഭവം.
കീഴ്ക്കാം തൂക്കായ പാറയില്‍ നിന്നും താഴേയ്ക്ക് വീഴുമായിരുന്ന താരത്തെ തക്കസമയത്ത് പിടിച്ചു നിര്‍ത്തി ജീവന്‍ രക്ഷിച്ചത് സഹതാരം കരുണാകരനായിരുന്നു. തിരുകുമാരന്റെ സിനിമയുടെ സെറ്റില്‍ വച്ചായിരുന്നു സംഭവം. ഉദയ് യും കരുണാകരനും അവരവരുടെ ബൈക്കില്‍ ആയിരുന്നു. ഇവര്‍ക്ക് പിന്നാലെ മറ്റൊരു ടൂ വീലറില്‍ ആമിയും ഉണ്ടായിരുന്നു.
ഷൂട്ടിങിനിടയില്‍ ആമി സഞ്ചരിച്ച് ടു വീലറിന്റെ നിയന്ത്രണം വിട്ട് പോയതാണ് കാരണം. വലിയ പാറക്കെട്ടിന് മുകളിലേക്ക് വീഴാന്‍ പോയ നടിയെ സഹതാരത്തിന്റെ സമയോചിതമായ ഇടപെടല് മൂലം രക്ഷപ്പെടുത്തുകയായിരുന്നു.
എന്നാല്‍ ഷൂട്ടിങ് തുടങ്ങിയപ്പോള്‍ വാഹനത്തിന്റെ നിയന്ത്രണം നഷ്ടമായി ആമി പാറക്കെട്ടിലേക്ക് വീഴാന്‍ തുടങ്ങി. അപ്പോഴേക്കും കരുണാകരന്‍ സ്വന്തം ബൈക്കില്‍ നിന്നും ഇറങ്ങി സമയോചിതമായി ഓടിച്ചെന്ന് പിടിച്ചു നിര്‍ത്തുകയായിരുന്നു.ആദ്യം ഒന്നു പേടിച്ചെങ്കിലും ഷോക്ക് മാറിയശേഷം താരം ഷൂട്ടിങ് പൂര്‍ത്തീകരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha