ഇളയ ദളപതി വിജയിയുടെ ചിത്രം രജനികാന്ത് തട്ടിയെടുത്തതായി റിപ്പോര്‍ട്ടുകള്‍. ഇളയ ദളപതിക്ക് വെച്ച വേഷം സ്‌റ്റൈല്‍ മന്നന്‍ തട്ടിയെടുത്ത കഥയാണ്. ലിംഗായുടെ പരാജയത്തോടെ കൂപ്പുകുത്തി നില്‍ക്കുന്ന രജനി ശങ്കര്‍ സംവിധാനം ചെയ്യനിരുന്ന വിജയ് ചിത്രം ചോദിച്ച് വാങ്ങുകയായിരുന്നു എന്നാണ് റിപ്പോര്‍ട്ട്. ഷങ്കറിന് കീഴില്‍ വീണ്ടും സിനിമ ചെയ്യാന്‍ താല്‍പ്പര്യമുണ്ടെന്ന് ഫോണ്‍ ചെയ്ത് അറിയിക്കുക ആയിരുന്നു. സ്‌റ്റൈല്‍മന്നന്റെ നിര്‍ബന്ധത്തിന് വഴങ്ങി ഷങ്കര്‍ വിജയിയ്ക്കായി എഴുതിയ കഥ രജനീകാന്തിന് അനുയോജ്യമായ വിധത്തിലേക്ക് മാറ്റുകയായിരുന്നു.
തമിഴിലെ മെഗാതാരങ്ങളായ രജനികാന്തിനേയും കമല്‍ ഹാസനേയും ഒന്നിപ്പിക്കുക എന്ന ഉദ്ദേശത്തോടെ സിനിമയിലെ വില്ലനാകാന്‍ കമലിനെ സമീപിച്ചെങ്കിലും വിജയിയുടെ കഥ അറിഞ്ഞ കമല്‍ പിന്മാറുകയായരുന്നു. ഇതോടെ വില്ലന്‍ വേഷം വിക്രമിനെ തേടിയെത്തിയിരിക്കുകയാണ് എആര്‍ റഹ്മാന്‍ സംഗീതം നല്‍കുമെന്നാണ് വിവരം. മറ്റു വിവരങ്ങള്‍ അറിവായിട്ടില്ല.
ചിമ്പുദേവന്‍ ഒരുക്കുന്ന പുലിയിലാണ് വിജയ് ഇപ്പോള്‍ അഭിനയിക്കുന്നത്. ഏറ്റവും ചെലവേറിയ വിജയ് ചിത്രമാണിത്. തമിഴ്‌നാടിന്റെ അതിര്‍ത്തിയായ തലകോണയില്‍ ചിത്രീകരണം തുടരുന്ന സിനിമയുടെ നിര്‍മ്മാണചെലവ് 90 കോടിയാണ്. ചിത്രത്തില്‍ ഒരു ചിത്രകാരനെയാണ് വിജയ് അവതരിപ്പിക്കുന്നത്. ബോളിവുഡ് താരം ശ്രീദേവിയുടെ തിരിച്ചുവരവ് ചിത്രമായ ഇതില്‍ വിജയ് യ്‌ക്കൊപ്പം ഹന്‍സിക, കിച്ച, സുദീപ്, നന്ദിത തുടങ്ങി ഒരു വലിയ താരനിരയാണ് പ്രത്യക്ഷപ്പെടുന്നത്. കത്തിയില്‍ ഇരട്ട വേഷത്തിലെത്തിയ വിജയ് പുതിയ ചിത്രമായ പുലിയില്‍ മൂന്ന് വ്യത്യസ്ത വേഷങ്ങളിലായാണ് എത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha