വിവാഹ ശേഷം അഭിനയം നിര്‍ത്തണമെന്ന് വരന്‍ പറഞ്ഞതോടെയാണ് തൃഷ നിശ്ചയിച്ചുറപ്പിച്ച വിവാഹം മുടക്കിയതെന്ന് റിപ്പോര്‍ട്ട്. ഇത് സംബന്ധിച്ച് ഇതുവരെ വരുണ്‍ മനിയനോ തൃഷയോ പ്രതികരിച്ചിട്ടില്ല. തൃഷ പുതിയ ചിത്രങ്ങളുടെ തിരക്കിലാണ്. തൃഷ അഭിനയം നിര്‍ത്തണം എന്ന് വരുണ്‍ പറഞ്ഞിരുന്നു. സിനിമാ ഫീല്‍ഡില്‍ നിന്ന് വരുണ്‍ ഒരാളെ വിവാഹം ചെയ്യുന്നതിനോട് പണ്ടേ വരുണിന്റെ കുടുംബാംഗങ്ങള്‍ക്ക് എതിര്‍പ്പുണ്ടായിരുന്നു. വിവാഹ ശേഷം തൃഷ അഭിനയം നിര്‍ത്തുമെന്ന് വരുണും പ്രതീക്ഷിച്ചിരുന്നു. അതിനെ തൃഷ എതിര്‍ത്തിരുന്നു.
കുടുംബത്തിന്റെ അഭിപ്രായത്തിനൊപ്പം മുന്നോട്ട് പോകുന്ന ആളാണ് വരുണ്‍. തൃഷ ചെയ്യുന്ന കാര്യങ്ങള്‍ക്കൊക്കെ വരുണ്‍ എതിര്‍പ്പ് പറയും. തുടക്കം തന്നെ പിഴച്ചപ്പോള്‍ ഈ വണ്ടി അധികം മുന്നോട്ട് പോകില്ലെന്ന് തൃഷയ്ക്കും തോന്നി. ജൂണില്‍ വിവാഹം നടത്താനാണ് നേരത്തെ തീരുമാനിച്ചിരുന്നത്. എന്നാല്‍ ഈ ഡേറ്റിനെ ചൊല്ലി ഇരുവര്‍ക്കുമിടയില്‍ പ്രശ്‌നമായി. അതുകൊണ്ട് നിശ്ചയ സമയത്ത് ഡേറ്റ് പ്രഖ്യാപിച്ചില്ല. തൃഷയുടെ ഒരു സുഹൃത്താണ് ഇക്കാര്യം പുറത്ത് വിട്ടത്. വരുണ്‍ നിര്‍മിക്കുന്ന ചിത്രത്തിന് വേണ്ടി തൃഷയെ വിളിച്ചപ്പോള്‍ താരം അത് നിരസിച്ചതും വിവാഹം മുടങ്ങാന്‍ കാരണമായെന്നറിയുന്നു.
തിരക്കുകള്‍ കാരണം വരുണിന്റെ സിനിമ തൃഷ ഉപേക്ഷിച്ചെന്നായിരുന്നു വാര്‍ത്തകള്‍. എന്നാല്‍ വരുണിന്റെ സിനിമ ഉപേക്ഷിച്ച സമയത്ത് തന്നെ തൃഷ പുതിയ തമിഴ് തെലുങ്ക് ചിത്രത്തില്‍ കരാറൊപ്പിട്ടു. വിവാഹ നിശ്ചയത്തിന് ശേഷം നടന്ന പാര്‍ട്ടിയില്‍ വന്ന ധനുഷാണ് ഈ പ്രശ്‌നങ്ങളെല്ലാം കാരണമെന്നും കേള്‍ക്കുന്നു. ധനുഷും വരുണും തമ്മില്‍ അത്ര നല്ല രസത്തിലല്ല. ധനുഷിനെ ക്ഷണിച്ചതുമായി ബന്ധപ്പെട്ട തൃഷയോട് ചോദിച്ചപ്പോള്‍, അദ്ദേഹം എന്റെ സുഹൃത്താണെന്നും താന്‍ ക്ഷണിച്ചിട്ട് വന്നതാണെന്നും നടി പറഞ്ഞു. ഇതേ ചൊല്ലി ഇരുവര്‍ക്കുമിടയില്‍ സംസാരം ഉണ്ടായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha